ക്രിസ്മസ് ആഘോഷം; സുൽത്താന്റെ നാട്ടിൽ 'സന്തോഷ തിരുപ്പിറവി '22 ന്. ആയിരം സാന്താക്ലോസുമാർ പങ്കെടുക്കും.

തലയോലപ്പറമ്പ് : തിരുപ്പിറവിയുടെ വരവറിയിച്ച് ആയിരത്തിലധികം സാന്താക്ലോസുമാർ ഡിസംബർ 22 ന് തലയോലപ്പറമ്പിന്റെ രാജവീഥികളിലൂടെ കടന്നു പോകും. സെന്റ്‌ ജോർജ് പള്ളി മൈതാനം ക്രിസ്മസ് ദൂതിനും,ക്രിസ്മസ് കലാ സന്ധ്യക്കും സാക്ഷ്യം വഹിക്കും. Pacem in Terris - ഭൂമിയിൽ സമാധാനം - എന്ന പേരിൽ തലയോലപ്പറമ്പ് മേഖലയിലെ ഇരുപത് ക്രൈസ്തവ

ഇടവകകളുടെയും സ്ഥാപനങ്ങളുടെയും സംയുക്താ ഭിമുഖ്യത്തിൽ ഞായറാഴ്ച വൈകിട്ട് 4ന് തലയോലപ്പറമ്പ് സെന്റ് ജോർജ് പള്ളി മൈതാനിയിൽ സാന്താക്ലോസുമാർ അണിനിരക്കും. വർണശബളമായ സാന്റാഘോഷ യാത്ര, ക്രിസ്മസ് സംഗമം, സാംസ്‌കാരിക സമ്മേളനം, നൃത്തരൂപങ്ങൾ, സംഗീതശില്പങ്ങൾ,സ്നേഹവിരുന്ന് എന്നിവ ക്രിസ്മസ് ആഘോഷത്തിന് മാറ്റ് കൂട്ടുമെന്ന് കൺവീനർ റവ. ഡോ. ബെന്നി ജോൺ മാരാംപറമ്പിൽ അറിയിച്ചു. വൈകിട്ട് 4ന് വൈക്കം ഡി.വൈ. എസ്. പി സിബിച്ചൻ ജോസഫ് ക്രിസ്മസ് സാന്റാ യാത്ര ഫ്ലാഗ് ഓഫ് ചെയ്യും.തുടർന്ന് നടക്കുന്ന സ്‌നേഹസംഗമത്തിന് ലോക സഞ്ചാരി സന്തോഷ്‌ ജോർജ് കുളങ്ങര ദീപം തെളിയിച്ച് ക്രിസ്മസ് സന്ദേശം നൽകും. റവ. ഡോ. ജ്യോതിസ് പോത്താറ,റവ. ഫാ. റെനി ജോൺ പുന്നൻ , റവ. ഫാ. ടോണി കോട്ടക്കൽ,റവ. ഫാ. ജോബി കണ്ണാലയിൽ,റവ. ഫാ. പോൾ കോട്ടക്കൽ,റവ. ഫാ. ഡെന്നിസ് ജോസഫ് കണ്ണമാലിൽ, റവ. ഫാ. അനീഷ്. പി. ജോസഫ്,റവ. ഫാ. സോണി പട്ടരുപറമ്പിൽ,റവ. ഫാ. ജെറിൻ ജോസ് പാലത്തിങ്കൽ,റവ. ഫാ. ലിജിൻ ജോൺ തോപ്പിൽ,റവ. ഫാ. ബിനു. ടി. ജോൺ,റവ. ഫാ. അലക്സ്‌ മേക്കാം തുരുത്തി,ജെയിംസ് ജോസഫ് കുറ്റിയാം കോണത്ത്, റവ. ഡോ. ബെന്നി ജോൺ മാരാംപറമ്പിൽ, പ്രൊഫ. പയസ്കുട്ടോമ്പറമ്പിൽ, ജോൺസൺ കൊച്ചു പറമ്പിൽ എന്നിവർ പ്രസംഗിക്കും.തുടർന്ന് കലാപരിപാടികളും സ്നേഹവിരുന്നും നടക്കും. സെന്റ്‌ ജോർജ് പള്ളി തലയോലപ്പറമ്പ്,സെന്റ്‌ ആന്റണീസ് പള്ളി കലയത്തുംകുന്ന് പൊതി, സെന്റ്‌ മൈക്കിൾസ് പള്ളി പൊതി,സെന്റ്‌ സ്റ്റീഫൻസ്‌ സി. എസ്. ഐ പള്ളി വെള്ളൂർ,, സെന്റ്‌ ജോസഫ് പള്ളി ഇറുമ്പയം, മേരി ഇമ്മാക്യൂലേറ്റ് പള്ളി മേവെള്ളൂർ, സെന്റ്‌ മേരീസ്‌ യാക്കോബായസുറിയാനി പള്ളി കാരിക്കോട്,മാർത്തോമാ പള്ളി വെള്ളൂർ,ഹോളി ഫാമിലി ക്നാനായപള്ളി വെള്ളൂർ,സെന്റ്‌ മേരീസ്ഗിരി സീനായ് യാക്കോബായ സുറിയാനി പള്ളി വടകര,സെന്റ്‌ സ്റ്റീഫൻസ്‌ സി. എസ്. ഐ പള്ളി വടകര,സെന്റ്‌ സെബാസ്റ്റ്യൻസ് പള്ളി പ്രസാദഗിരി,സെന്റ്‌ ലൂക്സ് സി. എസ്. ഐ പള്ളി വരിക്കാംകുന്ന്,സെന്റ്‌ ജോർജ് യാക്കോബായ സുറിയാനിപള്ളി ബ്രഹ്‌മ മംഗലം,സെന്റ്‌ മേരീസ് ക്നാനായപള്ളി കരിപ്പാടം,മോർഔഗേൻ യാക്കോബായസുറിയാനി പള്ളി മണകുന്നം മറവൻതുരുത്ത്,മോർഔ ഗേൻ ഓർത്തഡോക്സ് സുറിയാനിപള്ളി മണകുന്നം മറവൻ തുരുത്ത്,സെന്റ്‌ മേരീസ്പള്ളി വല്ലകം,ഇൻഫന്റ് ജീസസ് പള്ളി വടയാർ എന്നീ പള്ളികളാണ് മുഖ്യ സംഘാടകർ. തലയോലപ്പറമ്പ് ആശാഭവൻ സ്‌പെഷൽ സ്കൂൾ, തലയോലപ്പറമ്പ് സെൻ്റ് ജോർജ് ഹയർ സെക്കൻഡറി സ്കൂൾ, കീഴൂർ സെൻ്റ് ജോസഫ്സ് സ്കൂൾ എന്നിവരും പങ്കാളികളാകും.