റോഡരികിൽ പാർക്ക് ചെയ്‌തിരുന്ന കാറിന് പിന്നിൽ പിക്കപ്പ് വാൻ നിയന്ത്രണം വിട്ട് വന്നിടിച്ച് അപകടം; ഇടിയുടെ ആഘാതത്തിൽ കാർ മുന്നോട്ട് നീങ്ങി റോഡരികിലെ സ്വകാര്യ വ്യക്തിയുടെ മതിലും വീടിൻ്റെ ഭിത്തിയും തകർത്തു.

05 Mar 2025 19:19 IST

Share News :

The pickup van behind the car parked on the side of the road got out of control and crashed into the wall of the house and the private person on the side of the road.

തലയോലപ്പറമ്പ്: റോഡരികിൽ പാർക്ക് ചെയ്‌തിരുന്ന കാറിന് പിന്നിൽ

പിക്കപ്പ് വാൻ നിയന്ത്രണം വിട്ട് വന്നിടിച്ച് അപകടം. ഇടിയുടെ ആഘാതത്തിൽ കാർ മുന്നോട്ട് നീങ്ങി റോഡരികിലെ സ്വകാര്യ വ്യക്തിയുടെ മതിൽ ഇടിച്ച് തകർത്ത ശേഷം സമീപത്തെ വീടിൻ്റെ ഭിത്തിയിൽ ഇടിച്ചാണ് നിന്നത്. സംഭവ സമയത്ത് ഇതുവഴി കാൽനടയാത്രക്കാരും മറ്റും ഇല്ലാതിരുന്നതിനാൽ ദുരന്തം ഒഴിവായി. കാറിനു മുന്നിൽ പാർക്ക് ചെയ്‌തിരുന്ന മറ്റൊരു കാർ, രണ്ട് സ്കൂട്ടറുകൾ എന്നിവയ്ക്കും കേടുപാടുകൾ സംഭവിച്ചു. ബുധനാഴ്ച ഉച്ചയ്ക്ക് ഒരു മണിയോടെ തലയോലപ്പറമ്പ്- തൊടുപുഴ റൂട്ടിൽ തലപ്പാറ ജംഗ്ഷനിൽ നിന്നും പൊതി ഭാഗത്തേക്കുള്ള റോഡിലെ ഇറക്കത്തിലാണ് അപകടം. അപകടത്തിൽ ആർക്കും പരുക്കില്ല. പന്തലാട്ട് ജോസിൻ്റെ ഉടമസ്ഥതയിലുള്ള വീട്ടിലേക്കാണ് കാർ ഇടിച്ചുകയറിയത്. ഇവിടെ വാടകയ്ക്കു താമസിക്കുന്ന മലപ്പുറം സ്വദേശി ഷംസുദ്ദിൻ വീടിനുള്ളിൽ ഉണ്ടായിരുന്നെങ്കിലും പരുക്കേൽക്കാതെ രക്ഷപ്പെട്ടു. തൊടുപുഴയിൽ നിന്നും വൈക്കം ഭാഗത്തേക്കു പോകുകയായിരുന്ന ഉല്ലല സ്വദേശി ഓടിച്ചിരുന്ന പിക്കപ്പ് വാനാണ് അപകടത്തിന് ഇടയാക്കിയത്. തലയോലപ്പറമ്പ് പോലീസ് സ്ഥലത്തെത്തി മേൽനടപടി സ്വീകരിച്ചു.

Tags:

റോഡരികിൽ പാർക്ക് ചെയ്‌തിരുന്ന കാറിന് പിന്നിൽ പിക്കപ്പ് വാൻ നിയന്ത്രണം വിട്ട് വന്നിടിച്ച് അപകടം; ഇടിയുടെ ആഘാതത്തിൽ കാർ മുന്നോട്ട് നീങ്ങി റോഡരികിലെ സ്വകാര്യ വ്യക്തിയുടെ മതിലും വീടിൻ്റെ ഭിത്തിയും തകർത്തു.

More in Related News