The Feast of the Thalaparambu Church will conclude tomorrow.

തലയോലപ്പറമ്പ് : നിത്യസഹായ മാതാവിന്റെ തീർത്ഥാടനകേന്ദ്രമായ തലയോലപ്പറമ്പ് സെന്റ്ജോർജ് പള്ളിയിൽ വിശുദ്ധ സെബസ്ത്യാനോ സിന്റെയും, പരിശുദ്ധ കന്യകാമറിയത്തിന്റെയും തിരുനാൾ നാളെ സമാപിക്കും. തിരുനാൾ ദിനമായ ഞായറാഴ്ച വൈകിട്ട് നടന്ന രാജകീയ പട്ടണ പ്രദക്ഷിണത്തിൽ നൂറ് കണക്കിന് വിശ്വാസികൾ പങ്കെടുത്തു. വിശുദ്ധ കുർബാന, ആഘോഷമായ തിരുനാൾ കുർബാന എന്നിവയ്ക്ക് ശേഷമാണ് പട്ടണപ്രദക്ഷിണം നടന്നത്. റവ. ഫാ.ജിനോ ഭരണി കുളങ്ങര തിരുനാൾ സന്ദേശം നൽകി. ഇടവക വികാരി റവ. ഡോ. ബെന്നി ജോൺ മാരാം പറമ്പിൽ,അസിസ്റ്റന്റ് വികാരി റവ. ഫാ.ആൽജോ കളപ്പുരയ്ക്കൽ, ജോസ് പുത്തൻപുര, റിൻസൺ പന്നിക്കോട്ടിൽ, തങ്കച്ചൻ കളമ്പുകാട്, ജെറിൻ പാറയിൽ, ബേബി പുത്തൻപറമ്പിൽ, ജോബിപോൾ അരയത്തേൽ, ഇമ്മാനുവേൽ അരയത്തേൽ എന്നിവർ നേതൃത്വം നൽകി.പട്ടണ പ്രദക്ഷിണത്തിന് ശേഷം പരിശുദ്ധ കുർബാനയുടെ ആശിർവാദം.ആകാശ വിസ്മയം എന്നിവ നടന്നു. തിരുനാൾ സമാപന ദിനമായ നാളെ (ജനുവരി 26) മരിച്ചവരുടെ ഓർമ്മദിനം രാവിലെ 6.15ന് മരിച്ചവർക്ക് വേണ്ടിയുള്ള റാസ കുർബാന റവ. ഫാ സിബി പുത്തൻപറമ്പിൽ മുഖ്യ കാർമികത്വം വഹിക്കും.റവ. ഫാ. ജോർജ് മേനാച്ചേരി, റവ. ഡോ.ബെന്നി ജോൺ മാരാം പറമ്പിൽ, റവ. ഫാ.ആൽജോ കളപ്പുരയ്ക്കൽ എന്നിവർ സഹ കാർമികരായിരിക്കും. തുടർന്ന് സിമിത്തേരി സന്ദർശനം.കൊടിയിറക്കം. തിരുസ്വരൂപങ്ങൾ തിരികെ എഴുന്നള്ളിക്കൽ. ദേശീയ പതാക ഉയർത്തൽ എന്നിവ നടക്കും.