Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
09 Jun 2026 21:17 IST
Share News :
കോട്ടയം: പള്സ് പോളിയോ തുള്ളിമരുന്ന് വിതരണം ജൂണ് 28ന് കോട്ടയം ജില്ലയില് വിവിധ കേന്ദ്രങ്ങളില് നടക്കും. അഞ്ച് വയസ്സില് താഴെ പ്രായമുള്ള ജില്ലയിലെ 85277 കുട്ടികള്ക്ക് വാക്സിന് നല്കും. മരുന്നു വിതരണത്തിനായി 1218 ബൂത്തുകള് സജ്ജീകരിച്ചിട്ടുണ്ട്. സര്ക്കാര് - സ്വകാര്യ ആശുപത്രികള്, അങ്കണവാടികള്, ജനകീയാരോഗ്യ കേന്ദ്രങ്ങള് എന്നിവിടങ്ങളില് രാവിലെ എട്ടുമുതല് വൈകുന്നേരം അഞ്ച് വരെ ബൂത്തുകള് പ്രവര്ത്തിക്കും.
ബസ് സ്റ്റാന്ഡുകള്, റയില്വേ സ്റ്റേഷനുകള് തുടങ്ങിയ 40 കേന്ദ്രങ്ങളില് ട്രാന്സിറ്റ് ബൂത്തുകളുമുണ്ടാകും. ബൂത്തുകളില് എത്താന് ബുദ്ധിമുട്ടുള്ള പ്രദേശങ്ങളിലും അതിഥി തൊഴിലാളി ക്യാമ്പുകളിലും തുള്ളിമരുന്ന് എത്തിക്കാന് ആറു മൊബൈല് ടീമുകളുമുണ്ടാകും.
ജൂണ് 28ന് തുള്ളിമരുന്ന് നല്കാന് സാധിക്കാത്തവര്ക്ക് അടുത്ത മൂന്ന് ദിവസങ്ങളില് വീടുകളിലെത്തി നല്കുമെന്ന് ജില്ലാ മെഡിക്കല് ഓഫീസര് ഡോ. എന്. പ്രിയ അറിയിച്ചു. ജില്ലാ കളക്ടര് ചേതന്കുമാര് മീണയുടെ അധ്യക്ഷതയില് ചേര്ന്ന വിവിധ വകുപ്പ് മേധാവികളുടെ യോഗം പോളിയോ തുള്ളിമരുന്ന് വിതരണവുമായി ബന്ധപ്പെട്ട ക്രമീകരണങ്ങള് വിലയിരുത്തി.
Follow us on :
Tags:
Please select your location.
9.jpeg)
