Tue Dec 12, 2023 10:56 PM 1ST

Location  

Sign In

നിയന്ത്രണംവിട്ട കാറിടിച്ച് വൈദ്യുതി പോസ്റ്റ് ചുവടെ ഒടിഞ്ഞ് ലൈൻ കമ്പികൾ ഉൾപ്പടെ പ്രധാന റോഡിന് കുറുകെ വീണു.

27 Aug 2025 19:31 IST

santhosh sharma.v

Share News :

വൈക്കം: നിയന്ത്രണം വിട്ട കാർ ഇടിച്ചതിനെ തുടർന്ന് റോഡരികിലെ വൈദ്യുതി പോസ്റ്റ് ചുവടെ ഒടിഞ്ഞ് ലൈൻ കമ്പികൾ ഉൾപ്പടെ റോഡിന് കുറുകെ വീണു. സംഭവ സമയത്ത് കാൽനടയാത്രക്കാരും മറ്റ് വാഹനങ്ങളും ഇല്ലാതിരുന്നതിനാൽ ദുരന്തം ഒഴിവായി.

ബുധനാഴ്ച ഉച്ചയ്ക്ക് 1.15 ഓടെ വടയാർ - വല്ല കം റോഡിൽ തുറുവേലിക്കുന്നിന് സമീപമാണ് അപകടം. തലയോലപ്പറമ്പിൽ നിന്നും വൈക്കം ഭാഗത്തേക്ക് പോയ വൈക്കം സ്വദേശി സഞ്ചരിച്ച കാറാണ് അപകടത്തിൽപ്പെട്ടത്. ഇടിയുടെ ആഘാതത്തിൽ വൈദ്യുതി പോസ്റ്റ് ഒടിഞ്ഞ് പ്രധാന റോഡിന് കുറുകെ വീഴുകയായിരുന്നു. 30 മിനിട്ടോളം റോഡിൽ ഗതാഗതം തടസ്സപ്പെട്ടു. ഇടിയുടെ ആഘാതത്തിൽ കാറിൻ്റെ മുൻവശം തകർന്നു. ഡ്രൈവർ മയങ്ങിപ്പോയതാണ് അപകടത്തിന് കാരണമായത്. വൈദ്യുതി വകുപ്പ്‌ ജീവനക്കാർ എത്തി ഒടിഞ്ഞ പോസ്റ്റ് മാറ്റി പുതിയത് സ്ഥാപിച്ചു.

Follow us on :

More in Related News