ചാവക്കാട് തിരുവത്ര കോട്ടപ്പുറം മാരിയമ്മൻ ശ്രീഹനുമാൻകുട്ടി ക്ഷേത്രോത്സവം വ്യാഴാഴ്ച്ച വിവിധ പരിപാടികളോടെ ആഘോഷിക്കും...

14 Jan 2026 14:26 IST

Share News :

Chavakkad Thiruvathra Kottappuram Mariamman Sreehanumankutty Temple Festival will be celebrated on Thursday with various events...

ചാവക്കാട്:തിരുവത്ര കോട്ടപ്പുറം മാരിയമ്മൻ ശ്രീഹനുമാൻകുട്ടി ക്ഷേത്രോത്സവം വ്യാഴാഴ്ച്ച(ജനുവരി-15) വിവിധ പരിപാടികളോടെ ആഘോഷിക്കും.ക്ഷേത്രം മേൽശാന്തി അകലാട് രഞ്ജിത്ത് ശാന്തിയുടെ സാന്നിധ്യത്തിൽ തന്ത്രി ദൊണ്ടുമഠം ബ്രഹ്മശ്രീ ബാലചന്ദ്രൻ തിരുമേനിയുടെ മുഖ്യകാർമ്മികത്വത്തിൽ വിശേഷാൽ പൂജകൾ നടക്കും.ക്ഷേത്രത്തിൽ പുലർച്ചെ 5-മണിക്ക് ഗണപതിഹോമം,പഴക്കുല സമർപ്പിക്കൽ,6-മണിക്ക് മലർ നിവേദ്യം,7-മണിക്ക് കലശപൂജകൾ,8-മണി മുതൽ ഭഗവതിക്ക് പറ നിറക്കൽ,ഉപദേവ പൂജകൾ,9-മണിക്ക് ഹനുമാൻ സ്വാമിക്ക് നവകാഭിഷേകം പൂജ,10-മണിക്ക് ദേവിക്ക് നവകാഭിഷേകം,10.30-ന് ഉച്ച പൂജ,വൈകിട്ട് 3.30 -ന് മണത്തല പനയ്ക്കൽ ശ്രീകന്യകാ മഹേശ്വരി ക്ഷേത്രത്തിൽ നിന്നും തിറയാട്ടത്തോട് കൂടിയ എഴുന്നള്ളിപ്പ്,വൈകിട്ട് 6.30-ന് ദീപാരാധന,7.30-ന് അത്താഴ പൂജ എന്നിവയും,രാവിലെ മുതൽ എം.ഡി.ജനാർദ്ദനൻ മണത്തലയുടെ ചെണ്ട മേളവും,പെരുമ്പാവൂർ അകംപള്ളി കുടുംബങ്ങൾ വക അന്നദാനവും ഉണ്ടായിരിക്കും.രാത്രി 8 മണിക്ക് താലം വരവ്,തുടർന്ന് ഗുരുതി,നടയടക്കളോട് കൂടി ക്ഷേത്രോത്സവത്തിന് സമാപനം കുറിക്കുമെന്ന് ക്ഷേത്ര ഭരണസമിതി ഭാരവാഹികളായ കൺവീനർ രവീന്ദ്രൻ എരിഞ്ഞിയിൽ,പ്രസിഡന്റ് പ്രകാശൻ ചെല്ലിക്കാട്ടിൽ,സെക്രട്ടറി സതീന്ദ്രൻ കളത്തിൽ,ട്രഷറർ സുധീർ എരിഞ്ഞിയിൽ എന്നിവർ അറിയിച്ചു.