Cannabis inside the car involved in the accident; a case has been filed against a person by the skull follicle police.

തലയോലപ്പറമ്പ്: യുവാക്കൾ സഞ്ചരിച്ച കാർ സ്കൂട്ടറിൽ ഇടിച്ചുണ്ടായ അപകടത്തെ തുടർന്ന് സ്ഥലത്തെത്തിയ പോലീസ് നടത്തിയ പരിശോധയിൽ വാഹനത്തിൽ നിന്നും കഞ്ചാവ് കണ്ടെടുത്തു. സംഭവവുമായി ബന്ധപ്പെട്ട് ഒരാൾക്കെതിരെ പോലീസ് കേസ് രജിസ്റ്റർ ചെയ്തു.ചൊവ്വാഴ്ച രാത്രി 10.45 ഓടെ മറവൻതുരുത്ത് - ടോൾ റോഡിൽ

മണിശ്ശേരി ക്ഷേത്രത്തിന് സമീപമാണ് അപകടം നടന്നത്.കാർ ഓടിച്ചിരുന്ന ചെമ്പ് തുരുത്തുമ്മ സ്വദേശി ജിത്തു (25)നെതിരെ തലയോലപ്പറമ്പ് പോലിസ് കേസ് രജിസ്റ്റർ ചെയ്തു. യുവാക്കളായ മൂന്നംഗ സംഘം കാറിൽ കോട്ടയം ഇല്ലിക്കൽ കല്ലിൽ പോയി തിരികെ വരുന്നതിനിടെ നിയന്ത്രണം വിട്ട കാർ മുന്നേ പോയ സ്കൂട്ടറിന് പിന്നിൽ ഇടിച്ചാണ് അപകടം ഉണ്ടായത്.തുടർന്ന് നാട്ടുകാർ ഓടിക്കുടുകയും ഇവരെ തടയുകയുമായിരുന്നു.സംഭവമറിഞ്ഞ് തലയോലപ്പറമ്പ് പോലീസ് സ്ഥലത്തെത്തുകയും ഇവർ ലഹരി ഉപയോഗിച്ചതായി സംശയം ഉണ്ടെന്ന് നാട്ടുകാർ പറഞ്ഞതോടെ കാർ പരിശോധിക്കുകയും കാറിന്റെ ഡാഷ് ബോർഡിൽ സൂക്ഷിച്ചിരുന്ന 3 ഗ്രാം കഞ്ചാവ് പോലീസ് കണ്ടെടുക്കുകയുമായിരുന്നു. തുടർന്ന് കാറിലുണ്ടായിരുന്ന മറ്റ് രണ്ട് യുവാക്കളെ പോലിസ് സ്റ്റേഷനിലേക്ക് കൊണ്ടുവരികയായിരുന്നു. വാഹനം ഓടിച്ചിരുന്ന യുവാവ് അപകടത്തിൽ പരിക്കേറ്റ ആളെ വൈക്കം താലൂക്ക് ആശുപത്രിയിൽ ചികിത്സയ്ക്കായി കൊണ്ടുപോയ ശേഷം തിരികെ എത്തിയതോടെ ഇയാളെ അറസ്റ്റ് ചെയ്യുകയായിരുന്നു. കേസ് രജിസ്റ്റർ ചെയ്ത ശേഷം യുവാവിനെ പിന്നീട് ജാമ്യത്തിൽ വിട്ടു. കാർ പോലീസ് കസ്റ്റഡിയിൽ എടുത്തു. അപകടത്തിൽ സാരമായി പരിക്കേറ്റ സ്കൂട്ടർ യാത്രകൻ താലൂക്ക് ആശുപത്രിയിൽ ചികിത്സയിലാണ്.

Tags:

അപകടത്തിൽപ്പെട്ട കാറിനുള്ളിൽ കഞ്ചാവ്; ഒരാൾക്കെതിരെ കേസ്സേടുത്ത് തലയോലപ്പറമ്പ് പോലിസ്.

More in Related News