3rd Phase Inauguration of Observation Cameras Established by Chavakkad Municipality

ചാവക്കാട്:2025-26 വർഷത്തെ ജനകീയ ആസൂത്രണ പദ്ധതിയുടെ ഭാഗമായി ചാവക്കാട് നഗരസഭ സ്ഥാപിച്ച നിരീക്ഷണ ക്യാമറകളുടെ മൂന്നാം ഘട്ട ഉദ്ഘാടനം നഗരസഭ ചെയർപേഴ്സൺ ഷീജപ്രശാന്ത് നിർവഹിച്ചു.വൈസ് ചെയർമാൻ കെ.കെ.മുബാറക് അധ്യക്ഷത വഹിച്ച ചടങ്ങിൽ വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഷാഹിന സലീം സ്വാഗതം ആശംസിച്ചു.നഗരസഭ പബ്ലിക് ഹെൽത്ത് ഇൻസ്പെക്ടർ ഗ്രേഡ് -1 എം.ഷമീർ പദ്ധതിയെക്കുറിച്ച് വിശദീകരിച്ചു.ആരോഗ്യകാര്യ സ്റ്റാൻഡിങ് കമ്മിറ്റി ചെയർപേഴ്സൺ ബുഷറ ലത്തീഫ്,കൗൺസിലർമാരായ കെ.വി.സത്താർ,സുപ്രിയ രാമചന്ദ്രൻ,രാഷ്ട്രീയ പാർട്ടി പ്രതിനിധികളായ പി.എസ്.അശോകൻ,എ.എ.ശിവദാസൻ എന്നിവർ ആശംസകൾ അർപ്പിച്ചു സംസാരിച്ചു.വിദ്യാഭ്യാസകാര്യ സ്റ്റാൻഡിങ് കമ്മിറ്റി ചെയർപേഴ്സൺ പ്രസന്ന രണദിവേ നന്ദി പറഞ്ഞു.മാലിന്യങ്ങൾ വലിച്ചെറിയുന്നത് തടയുന്നതിനും അതുവഴി നഗരസഭയെ സമ്പൂർണ്ണ മാലിന്യമുക്തമാക്കുന്നതിനും വേണ്ടിയാണ് 10 ലക്ഷം രൂപ ചെലവഴിച്ച് മൂന്നിടങ്ങളിലായി 9 ക്യാമറകൾ സ്ഥാപിച്ചിട്ടുള്ളത്.ജനപ്രതിനിധികൾ,ഹെൽത്ത് വിഭാഗം ജീവനക്കാർ,നാട്ടുകാർ എന്നിവരടക്കം നിരവധി പേർ ചടങ്ങിൽ പങ്കെടുത്തു.