Oman Pravasi Association Christmas

മസ്‌കറ്റ്: ഒമാൻ പ്രവാസി അസോസിയേഷന്റെ നേതൃത്വത്തിൽ ക്രിസ്മസ് പുതുവത്സര ആഘോഷവും കേക്ക് ബേക്കിംഗ് മത്സരവും സംഘടിപ്പിച്ചു.

അൽ ഖുവൈർ നിസാർക്കാസ് അടുക്കള റസ്റ്റോറന്റിൽ വെച്ചാണ് നടന്ന ഒരുമയുടെയും, പ്രത്യാശയുടെയും വെളിച്ചം വിതറിയ ആഘോഷവും കേക്ക് ബേക്കിംഗ് മത്സരവും സംഘടിപ്പിച്ചത്.

ജാതി മത ഭേദമന്യേ നൂറുകണക്കിന് പ്രവാസികൾ ആവേശത്തോടെ ഈ പരിപാടിയിൽ പങ്കെടുത്തു. ഒമാൻ പ്രവാസി അസോസിയേഷൻ കുടുംബാംഗങ്ങളുടെ നേതൃത്വത്തിൽ അവതരിപ്പിച്ച വിവിധ കലാപരിപാടികൾ, കേക്ക് മുറിക്കൽ, സാന്താക്ലോസിന്റെ സാന്നിധ്യത്തിൽ എത്തിയ ക്രിസ്ത്മസ് കരോൾ ടീം എന്നിവ ആഘോഷത്തിന്റെ മാറ്റ് വർദ്ധിപ്പിച്ചു.

ആഘോഷത്തിന്റെ ഭാഗമായി സംഘടിപ്പിച്ച കേക്ക് മേക്കിങ് മത്സരത്തിൽ സജ്ന ഹാഷിം ഒന്നാം സ്ഥാനവും,

റംഷിത നാഫ്സൽ, ശിൽപ സരൺ എന്നിവർ യഥാക്രമം രണ്ടും മൂന്നും സ്ഥാനങ്ങളും നേടി മെഗാ സമ്മാനങ്ങൾക്ക് അർഹത നേടി.

മത്സരത്തിൽ പങ്കെടുത്തവർക്കും, കലാപരിപാടികൾ അവതരിപ്പിച്ചവർക്കും പ്രോത്സാഹന സമ്മാനങ്ങൾ വിതരണം ചെയ്തു. പ്രസിഡന്റ് വിജി തോമസ് വൈദ്യന്റെ നേതൃത്വത്തിൽ സംഘടിപ്പിച്ച ആഘോഷ പരിപാടികൾ രക്ഷാധികാരി രാജേഷ് കുമാർ ഉദ്ഘാടനം നിർവഹിച്ചു. അഡ്വക്കേറ്റ് ജെസ്സി ജോസ് ക്രിസ്മസ് സന്ദേശം നൽകി.

ജസീം കരിക്കോട്, ബിജു അത്തിക്കയം എന്നിവർ പരിപാടികൾക്ക് നേതൃത്വം നൽകി. നൂറുദ്ധീൻ മസ്കറ്റ്, നിഷാ പ്രഭാകരൻ, രാജേഷ് പി എസ്, രാധാകൃഷ്ണൻ, ഷിബു പുല്ലാടൻ, അൻസാർ കരുനാഗപ്പള്ളി, സുജിത്ത് സൈമൺ, വിജോ ജോയി എന്നിവർ പരിപാടിയിൽ സജീവ സാന്നിധ്യം ആയി വിവിധ തലങ്ങളിൽ നേതൃത്വം നൽകി.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

YouTube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕