Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
23 Oct 2026 17:11 IST
Share News :
മസ്‌കറ്റ്: പരിസ്ഥിതി സംരക്ഷണത്തിന്റെ പ്രാധാന്യം ഉയർത്തിപ്പിടിച്ചുകൊണ്ട് വേൾഡ് മലയാളി ഫെഡറേഷൻ (ഡബ്ല്യുഎംഎഫ്) ഒമാൻ എൻവയോൺമെന്റ് ഫോറത്തിന്റെ ആഭിമുഖ്യത്തിൽ മസ്‌കറ്റ് അസൈബ ബീച്ചിൽ ശുചീകരണ പരിപാടി സംഘടിപ്പിച്ചു. ഒക്ടോബർ 23 വെള്ളിയാഴ്ച രാവിലെ നടന്ന പരിപാടിയിൽ സന്നദ്ധപ്രവർത്തകർ പങ്കാളികളായി. കടൽത്തീരങ്ങൾ മാലിന്യമുക്തമാക്കുന്നതിനൊപ്പം പരിസ്ഥിതി സംരക്ഷണത്തിൽ പ്രവാസി സമൂഹത്തിന്റെ പങ്കാളിത്തം ഉറപ്പാക്കുകയെന്ന ലക്ഷ്യത്തോടെയായിരുന്നു പരിപാടി.
കടൽത്തീരങ്ങളിൽ അടിഞ്ഞുകൂടിയ മാലിന്യങ്ങൾ നീക്കം ചെയ്തുകൊണ്ട് സമുദ്രപരിസ്ഥിതിയുടെ സംരക്ഷണത്തിനും പ്രകൃതിയുടെ സൗന്ദര്യം നിലനിർത്തുന്നതിനും പ്രവർത്തകർ കൈകോർത്തു. പ്ലാസ്റ്റിക് ഉൾപ്പെടെയുള്ള മാലിന്യങ്ങൾ സമുദ്രജീവികൾക്കും പരിസ്ഥിതിക്കും ഉയർത്തുന്ന ഭീഷണികളെക്കുറിച്ച് പൊതുസമൂഹത്തിൽ അവബോധം വളർത്തുന്നതിനും പരിപാടി സഹായകമായി. പരിസ്ഥിതി സംരക്ഷണം ഓരോ വ്യക്തിയുടെയും ഉത്തരവാദിത്തമാണെന്ന സന്ദേശവും പ്രവർത്തനത്തിലൂടെ പങ്കുവെച്ചു.
പരിപാടിയുടെ ഭാഗമായി നടന്ന ഉദ്ഘാടനച്ചടങ്ങിൽ ഡബ്ല്യുഎംഎഫ് ഒമാൻ നാഷണൽ പ്രസിഡന്റ് ജോർജ് പി. രാജൻ ഉദ്ഘാടന പ്രസംഗം നടത്തി. എൻവയോൺമെന്റ് ഫോറം കോർഡിനേറ്റർ കൃഷ്ണവേണി പ്രവീൺ സ്വാഗതം ആശംസിച്ചു. നാഷണൽ ട്രഷറർ ജയാനന്ദൻ നന്ദിപ്രകാശനം നടത്തി.
ഡബ്ല്യുഎംഎഫ് ഒമാൻ നാഷണൽ സെക്രട്ടറി അർച്ചന വിജയകുമാർ, പ്രവീൺ മാധവൻ, തംജിത്ത്, അനിൽ വർഗീസ്, മൊഹ്സിൻ, ഷിബിൻ, യജിഷ ഷിബിൻ, മീഡിയ കോർഡിനേറ്റർ മുഹമ്മദ് യാസീൻ ഒരുമനയൂർ എന്നിവർ പരിപാടിയുടെ സംഘാടനത്തിനും പ്രവർത്തനങ്ങൾക്കും നേതൃത്വം നൽകി. എൻവോ കമാൻഡോസിന്റെ സഹകരണവും പരിപാടിയുടെ വിജയത്തിന് കരുത്തായി.
പരിപാടിക്ക് സൽസബീൽ, നിസ്സാർക്ക തട്ടുകട, സുഹൂൽ അൽ ഫൈഹ, ഗ്രീൻ വാട്ടർ ട്രീറ്റ്മെന്റ് സൊല്യൂഷൻസ് എന്നിവർ സ്പോൺസർമാരായി പിന്തുണ നൽകി. സന്നദ്ധപ്രവർത്തകർക്കുള്ള ടി-ഷർട്ടുകൾ സ്പോൺസർ ചെയ്ത മസ്‌കറ്റ് സ്റ്റേറ്റ് ട്രഷറർ റോണിക്കും സംഘാടകർ നന്ദി അറിയിച്ചു. സന്നദ്ധപ്രവർത്തകരുടെ സജീവ പങ്കാളിത്തവും പരിപാടിയുടെ വിജയത്തിൽ നിർണായകമായി.
പരിസ്ഥിതി സംരക്ഷണ പ്രവർത്തനങ്ങളിലൂടെ സാമൂഹിക കൂട്ടായ്മയും സൗഹൃദവും ശക്തിപ്പെടുത്തുന്നതിനൊപ്പം പരിസ്ഥിതി സൗഹൃദമായ ജീവിതശൈലി പ്രോത്സാഹിപ്പിക്കാനും ഇത്തരം സംരംഭങ്ങൾ സഹായകമാണെന്ന് സംഘാടകർ ചൂണ്ടിക്കാട്ടി. കടൽത്തീരങ്ങളുടെ ശുചിത്വം നിലനിർത്തുന്നതിനും പരിസ്ഥിതി സംരക്ഷണ പ്രവർത്തനങ്ങൾ കൂടുതൽ ജനകീയമാക്കുന്നതിനും തുടർന്നും പ്രവർത്തനങ്ങൾ സംഘടിപ്പിക്കുമെന്നും അവർ അറിയിച്ചു.
പരിസ്ഥിതി സംരക്ഷിക്കാം; കടൽത്തീരങ്ങളെ മാലിന്യമുക്തമാക്കാം.
Follow us on :
Tags:
More in Related News
Please select your location.
1.jpg)
14.jpeg)
.jpg)
14.jpeg)