'Happy Kerala' project implemented by Kudumbashree launched in Chavakkad Municipality...

കുടുംബശ്രീ നടപ്പാക്കുന്ന 'ഹാപ്പി കേരളം' പദ്ധതിക്ക് ചാവക്കാട് നഗരസഭയിൽ തുടക്കമായി

ചാവക്കാട്:കുടുംബങ്ങളിലെ സന്തോഷ സൂചിക ഉയർത്തുന്നത് ലക്ഷ്യമിട്ട് കുടുംബശ്രീ നടപ്പാക്കുന്ന 'ഹാപ്പി കേരളം' പദ്ധതിക്ക് ചാവക്കാട് നഗരസഭയിൽ തുടക്കമായി.നഗരപ്രദേശങ്ങളിൽ തൃശൂർ ജില്ലയിൽ ആദ്യമായി ഈ പദ്ധതി നടപ്പാക്കുന്ന സിഡിഎസ് ആണ് ചാവക്കാട് നഗരസഭ. 'സ്നേഹാങ്കണം ഹാപ്പി ഫെസ്റ്റ് ചാവക്കാട്' എന്ന പേരിലാണ് പദ്ധതിക്ക് തുടക്കം കുറിച്ചത്.തെക്കഞ്ചേരി 16-ാം വാർഡിൽ നടന്ന പരിപാടി എൻ.കെ.അക്ബർ എംഎൽഎ ഉദ്ഘാടനം ചെയ്തു.നഗരസഭ ചെയർപേഴ്സൺ ഷീജ പ്രശാന്ത് അധ്യക്ഷത വഹിച്ച ചടങ്ങിൽ കുടുംബശ്രീ ചെയർപേഴ്സൺ ജീന രാജീവ് സ്വാഗതം പറഞ്ഞു.വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഷാഹിന സലീം,പൊതുമരാമത്ത് സ്റ്റാൻഡിങ് കമ്മിറ്റി ചെയർമാൻ അഡ്വ.എ.വി.മുഹമ്മദ് അൻവർ,വിദ്യാഭ്യാസകാര്യ സ്റ്റാൻഡിങ് കമ്മിറ്റി ചെയർപേഴ്സൺ പ്രസന്ന രണദിവെ,ആരോഗ്യകാര്യ സ്റ്റാൻഡിങ് കമ്മിറ്റി ചെയർപേഴ്സൺ ബുഷറ ലത്തീഫ്,ജില്ലാ കുടുംബശ്രീ പ്രോഗ്രാം മാനേജർ ഡോ.യു.മോനിഷ എന്നിവർ സംസാരിച്ചു.കുടുംബശ്രീ വൈസ് ചെയർപേഴ്സൺ സാജിത സലാം നന്ദി പറഞ്ഞു.കുടുംബങ്ങളെ സന്തോഷത്തിന്റെ കേന്ദ്രങ്ങളാക്കി മാറ്റുകയാണ് പദ്ധതിയുടെ പ്രധാന ലക്ഷ്യം.ഇതിന്റെ ഭാഗമായി ഓരോ വാർഡിലും 15 മുതൽ 20 വരെ കുടുംബാംഗങ്ങളെ ഉൾപ്പെടുത്തി 'ഇടം' കൂട്ടായ്മകൾ രൂപീകരിക്കും.വ്യക്തികളുടെ മാനസികവും ശാരീരികവുമായ ആരോഗ്യം,സൗഹൃദപരമായ കുടുംബാന്തരീക്ഷം,സാമ്പത്തിക കാര്യക്ഷമത,ജനാധിപത്യ മൂല്യങ്ങൾ എന്നിവയെക്കുറിച്ച് ഈ കൂട്ടായ്മകളിൽ ചർച്ചകൾ നടത്തും.കുടുംബശ്രീ അംഗങ്ങൾക്കൊപ്പം മറ്റ് കുടുംബങ്ങളെയും പദ്ധതിയിൽ പങ്കാളികളാക്കുന്നു എന്നതാണ് ഇതിന്റെ ഒരു പ്രധാന സവിശേഷത.ജനപ്രതിനിധികൾ,കുടുംബശ്രീ അംഗങ്ങൾ,നാട്ടുകാർ എന്നിവരുൾപ്പെടെ നിരവധി ആളുകൾ പരിപാടിയിൽ പങ്കെടുത്തു.

Tags:

enlightmedia,malayalamnews,kerala,latestnews