വൈക്കം താലൂക്ക് എൻ.എസ് എസ് നായർ മഹാസമ്മേളനം; ഒരുക്കങ്ങൾ പൂർത്തിയായി.

Vaikom Taluk NSS Nair Maha Sammelan; Preparations completed.

വൈക്കം: വൈക്കം താലൂക്ക് എൻ.എസ് എസ് യൂണിയന്റെ നേതൃത്വത്തിൽ സെപ്തംബർ 13ന് വൈക്കത്ത് നടത്തുന്ന നായർ മഹാസമ്മേളനത്തിന്റെ ഒരുക്കങ്ങൾ പൂർത്തിയായതായി ഭാരാവാഹികൾ അറിയിച്ചു.

ഒരു വർഷമായി നടത്തിവരുന്ന മന്നം നവോത്ഥാന സൂര്യൻ എന്ന പരിപാടിയുടെ സമാപനവും നവതി ആഘോഷങ്ങളുടെ ആരംഭവും കുറിച്ചു കൊണ്ട് നടത്തുന്ന മഹാ സമ്മേളനത്തിൽ വൈക്കം യൂണിയനിലെ 14 മേഖലകളിലെ 97 കരയോഗങ്ങളിൽ നിന്നും കാൽ ലക്ഷത്തിലധികം അംഗങ്ങൾ പങ്കെടുക്കും. മേഖലകളിൽ നിന്നും വരുന്ന അംഗങ്ങൾ വൈക്കം വലിയ കവലയിലെ മന്നം പ്രതിമ കോംപ്ലക്സിൽ സംഗമിക്കുന്നതോടെ ഉച്ചക്ക് 2 ന് സാംസ്കാരിക ഘോഷയാത്ര ആരംഭിക്കും. വിവിധ വാദ്യമേളങ്ങൾ, നിശ്ചല ദൃശ്യങ്ങൾ, കലാരൂപങ്ങൾ തുടങ്ങിയവ. ഘോഷയാത്രക്ക് മാറ്റുകൂട്ടും. വലിയ കവല, വടക്കേ നട പടിഞ്ഞാറെ നട , കച്ചേരി കവല ബോട്ട് ജട്ടി വഴി ബീച്ച് മൈതാനിയിൽ ഘോഷയാത്ര സമാപിക്കും. സമാപന യോഗം എൻ .എസ്. എസ്.വൈസ് പ്രസിഡൻ്റ് എം. സംഗീത് കുമാർ ഉദ്ഘാടനം ചെയ്യും. യൂണിയൻ ചെയർമാൻ പി.ജി.എം. നായർ കാരിക്കോട് അദ്ധ്യക്ഷത വഹിക്കുന്ന ചടങ്ങിൽ എൻ.എസ്.എസ്. സെകട്ടറി ഹരികുമാർ കോയിക്കൽ ഡയറക്ടർ ബോർഡ് അംഗം ഇലഞ്ഞിയിൽ രാധാകൃഷ്ണൻ, രജിസ്ട്രാർ വി.വി. ശശിധരൻ നായർ കോട്ടയം യൂണിയൻ പ്രസിഡൻ്റ് ബി.ഗോപകുമാർ , കൊച്ചി യൂണിയൻ പ്രസിഡൻ്റ് ഡോ.എൻ.സി. ഉണ്ണികൃഷ്ണൻ , മീനച്ചിൽ യൂണിയൻ ചെയർമാൻ മനോജ് .ബി.നായർ , ഹൈറേഞ്ച് താലൂക്ക് യൂണിയൻ ചെയർമാൻ കെ.എസ്. അനിൽകുമാർ വൈക്കം വനിത യൂണിയൻ പ്രസിഡൻ്റ് കെ. ജയലക്ഷമി, വൈക്കം യുണിയൻ വൈസ് ചെയർമാൻ പി. വേണുഗോപാൽ , സെക്രട്ടറി അഖിൽ.ആർ നായർ തുടങ്ങിയവർ പ്രസംഗിക്കും. ചടങ്ങിൽ യൂണിയന്റെ വെബ് സൈറ്റിന്റെ ഉദ്ഘാടനവും സോവനീറിന്റ പ്രകാശനവും നടക്കും. സമ്മേളനത്തിന്റെ ഭാഗമായി വിവിധ ക്ഷേമ പ്രവർത്തനങ്ങളും നടത്തും. സമ്മേളനം നടക്കുന്ന ബീച്ച് മൈതാനിയിൽ ഏകദേശം 5000 അംഗങ്ങൾക്ക് ഇരിക്കുവാൻ സൗകര്യമൊരുക്കിയിട്ടുണ്ട്. സമ്മേളനം നടക്കുന്ന ബീച്ചു മൈതാനം ഉൾപ്പടെ വൈക്കം ടൗൺ സ്വർണ്ണ വർണ്ണ പതാകകളാലും കൊടി തോരണങ്ങളാലും അലങ്കരിച്ചു.

സമ്മേളനത്തിൽ പങ്കെടുക്കാൻ എത്തുന്ന അംഗങ്ങളുടെ വാഹനങ്ങൾ പാർക്കു ചെയ്യുവാൻ വേണ്ട ക്രമികരണങ്ങൾ ഏർപ്പെടുത്തിയിട്ടുണ്ടന്ന് ഭാരാവാഹികളായ പി.ജി.എം. നായർ. കാരിക്കോട്, പി. വേണുഗോപാൽ, അഖിൽ .ആർ. നായർ ,പി.എൻ. രാധാകൃഷ്ണൻ ,എസ്. ജയപ്രകാശ്, ബി. അനിൽ കുമാർ , എൻ. മധു , പി.എസ്. വേണുഗോപാൽ, എസ്. മുരുകേശ്, കെ.അജിത്, സിന്ധു മധുസൂദനൻ ,ശ്രീനിവാസ് കോയ്ത്താനം എന്നിവർ അറിയിച്ചു.