Let's love nature by loving plastic; 'Love Plastic Campaign' on the scalp at 25.

തലയോലപ്പറമ്പ്: പ്ലാസ്റ്റിക് മൂലമുണ്ടാകുന്ന പരിസ്ഥിതി ദൂഷ്യത്തെയും, പരിസ്ഥിതി മലിനീകരണത്തേയും തടയാനുള്ള യഞ്ജത്തിന് ഓഗസ്റ്റ് 25 ന് തലയോലപ്പറമ്പിൽ തുടക്കമാകുന്നു. പ്ലാസ്റ്റിക്ക് മാലിന്യം സംഭരിക്കുകയും ശാസ്ത്രീയമായി പുനരുപയോഗ സംവിധാനങ്ങൾ ഉപയോഗിക്കുകയുംവഴി പ്ലാസ്റ്റിക് എന്ന ഭീഷണിയിൽ നിന്ന് നമ്മുടെ പരിസരത്തേത്തയും ഭൂമിയേയും പ്രകൃതിയേയും ഒക്കെ മോചിപ്പിക്കുക എന്ന ലക്ഷ്യം മുൻനിർത്തി പ്ലാസ്റ്റിക്കിനെ സ്നേഹിച്ചുകൊണ്ട് നമുക്ക് പ്രകൃതിയെ സ്നേഹിക്കാം എന്ന സന്ദേശം ഉയർത്തി

'ലൗ പ്ലാസ്റ്റിക്ക് ക്യാമ്പയിൻ' രാവിലെ 10.30-ന് വൈക്കം മുഹമ്മദ് ബഷീർ വൊക്കേഷണൽ ഹയർ സെക്കറി സ്‌കൂൾ ഓഡിറ്റോറിയത്തിൽ നടക്കും. ഇന്ത്യയിൽ മുൻ നിരയിൽ പ്രവൃത്തിച്ചുകൊണ്ടിരിക്കുന്ന CFCICI, തലയോലപ്പറമ്പ് ഗ്രാമപഞ്ചായത്ത്, വൈക്കം മുഹമ്മദ് ബഷീർ സ്മാരക വൊക്കേഷണൽ ഹയർ സെക്കണ്ടറി സ്‌കൂൾ എന്നിവയുടെ സംയുക്ത ആഭിമുഖ്യത്തിലാണ് പരിപാടി സംഘടിപ്പിക്കുന്നത്. തലയോലപ്പറമ്പ് ഗ്രാമപഞ്ചായത്ത് പ്രസിഡൻ്റ് ഷിജി വിൻസെൻ്റ് ഉദ്ഘാടനം ചെയ്യും. പ്രശസ്ത കവയിത്രിയും മുൻ വനിതാ കമ്മീഷൻ അംഗവും, യൂ ജി സി സ്ത്രീ ശാക്തീകരണത്തിൻ്റെ ദേശീയ സംയോജികയുമായ ഡോ. ജെ. പ്രമീള ദേവി മുഖ്യ പ്രഭാഷണം നടത്തും. CFCICI ഡയറക്ടർ ഫിറോസ് യൂസഫ് ചടങ്ങിൽ അധ്യക്ഷത വഹിക്കും. CFCICI റീജണൽ മാനേജർ എം.ജി മനോജ്, അസി. റീജണൽ മാനേജർ ആർ.മനോജ് കുമാർ, സ്കൂൾ ഹെഡ്‌മാസ്‌റ്റർ രഞ്ജിത്ത്, CFCICI സീനിയർ മാനേജർ കെ.എ മഞ്ജുലത, ഗ്രാമ പഞ്ചായത്ത് അംഗങ്ങൾ തുടങ്ങിയവർ പ്രസംഗിക്കും. തലയോലപ്പറമ്പ് ഗ്രാമപഞ്ചായത്തിലെ മുഴവൻ ഹരിത കർമ്മ സേനാംഗങ്ങളെയും ചടങ്ങിൽ

ആദരിക്കും.