Tue Dec 12, 2023 10:56 PM 1ST

Location  

Sign In

ഫ്രണ്ട്സ് ഓഫ് റൂവി പ്രവാസി ക്ഷേമനിധി ക്യാമ്പയിൻ സംഘടിപ്പിച്ചു

31 Aug 2025 19:51 IST

ENLIGHT MEDIA OMAN

Share News :

മസ്‌ക്കറ്റ്: ഫ്രണ്ട്സ് ഓഫ് റൂവി കൂട്ടായ്മയുടെ ആഭിമുഖ്യത്തിൽ പ്രവാസി ക്ഷേമനിധി ബോധവൽക്കരണ ക്ലാസും അംഗത്വ ക്യാമ്പയിനും സംഘടിപ്പിച്ചു. 

റൂവി ഹൈസ്ട്രീറ്റിലെ ഗ്ലോബൽ മണി എക്സ്ചേഞ്ച് ഹാളിൽ ഓഗസ്ത് 29 വെള്ളിയാഴ്ച വൈകിട്ട് 4 മണിയോടെയാണ് പരിപാടി ആരംഭിച്ചത്. പ്രവാസി ക്ഷേമനിധി ഡയറക്ടർ ബോർഡ് അംഗവും ലോക കേരളസഭാംഗവുമായ വിൽസൻ ജോർജ്ജ് പരിപാടി ഉദ്ഘാടനം ചെയ്തു. ക്ഷേമനിധിയുമായി ബന്ധപ്പെട്ട വിവരങ്ങൾ വിശദമാക്കുന്ന ഒരു പ്രെസന്റേഷനും അദ്ദേഹം അവതരിപ്പിച്ചു. 

രാജ്യത്തിനു തന്നെ മാതൃകയായി കേരള സര്‍ക്കാര്‍ ആരംഭിച്ച കേരള പ്രവാസി ക്ഷേമ ബോര്‍ഡിന്‍റെ പ്രവര്‍ത്തനം കേരളീയരായ മുഴുവൻ പ്രവാസികൾക്കും കൈത്താങ്ങായി മാറിക്കഴിഞ്ഞിട്ടുണ്ടെന്ന് അദ്ദേഹം പറഞ്ഞു. അറുപത് വയസ്സ് പൂര്‍ത്തിയായതും, അഞ്ചുവര്‍ഷത്തില്‍ കുറയാത്ത കാലയളവില്‍ തുടര്‍ച്ചയായി അംശാദായം അടച്ചിട്ടുള്ളതുമായ പ്രവാസികൾക്ക് മിനിമം പെന്‍ഷന്‍ 3500 രൂപയാക്കിക്കൊണ്ട് രാജ്യത്ത് ഏറ്റവും കൂടുതല്‍ തുക ക്ഷേമ പെന്‍ഷനായി നല്‍കുന്ന ബോര്‍ഡാക്കി കേരള പ്രവാസി വെല്‍ഫെയര്‍ ബോര്‍ഡിനെ കേരള സര്‍ക്കാര്‍ മാറ്റിക്കഴിഞ്ഞുവെന്നും അഞ്ചുവര്‍ഷത്തില്‍ കൂടുതല്‍ കാലം തുടര്‍ച്ചയായി അംശദായം അടച്ചിട്ടുളള അംഗങ്ങള്‍ക്ക്, അവര്‍ പൂര്‍ത്തിയാക്കിയ ഓരോ അംഗത്വ വര്‍ഷത്തിനും നിശ്ചയിച്ചിട്ടുളള മിനിമം പെന്‍ഷന്‍ തുകയുടെ മൂന്ന് ശതമാനത്തിന് തുല്യമായ തുക കൂടി അധിക പെന്‍ഷനായി നല്കുന്നുണ്ടെന്നും അദ്ദേഹം സൂചിപ്പിച്ചു. 

ഗ്ലോബൽ മണി എക്സ്ചേഞ്ച് എക്സിക്യൂട്ടീവ് അഡ്വൈസർ അഡ്വ. ആർ മധുസൂദനൻ ക്ഷേമനിധിയുമായും നോർക്ക ഇൻഷുറസൻസുമായും ബന്ധപ്പെട്ട വിവരങ്ങൾ വിശദീകരിച്ചു. ജീവിതകാലം മുഴുവൻ വിദേശത്ത് ജോലി ചെയ്ത് വിശ്രമ ജീവിതം നയിക്കേണ്ടി വരുന്ന പ്രവാസികൾക്ക് നിശ്ചിത തുക പ്രതിമാസം ലഭിക്കുന്നത് വലിയ കാര്യമാണെന്ന് അദ്ദേഹം പറഞ്ഞു. പ്രത്യക്ഷത്തിൽ ലഘുവെന്നു തോന്നുമെങ്കിലും പ്രവാസികളുടെ സാമ്പത്തിക സുരക്ഷിതത്വം ഉറപ്പുവരുത്തുന്നതിൽ പ്രവാസി ക്ഷേമനിധി പെൻഷൻ പദ്ധതി സ്തുത്യർഹമായ പങ്കാണ് വഹിക്കുന്നതെന്ന് അദ്ദേഹം അഭിപ്രായപ്പെട്ടു. 

ബോധവൽക്കരണ ക്ലാസിൽ പങ്കുകൊള്ളാനും ക്ഷേമനിധി അംഗത്വമെടുക്കുന്നതിനും നിരവധി പ്രവാസികളാണ് എത്തിച്ചേർന്നതെന്ന് ഫ്രണ്ട്സ് ഓഫ് റൂവി കൂട്ടായ്മ ഭാരവാഹികളായ സുബിൻ, വരുൺ, ഹരിദാസ്, സുരേഷ് എന്നിവർ അറിയിച്ചു. റൂവിയിലെ സാമൂഹ്യക്ഷേമ പ്രവർത്തനങ്ങളിൽ നിരന്തര സാന്നിധ്യമായ കൂട്ടായ്‌മ, പ്രവാസിക്ഷേമവുമായി ബന്ധപ്പെട്ട അവബോധ പ്രവർത്തനങ്ങൾ തുടർന്നും സംഘടിപ്പിക്കുമെന്ന് അവർ കൂട്ടിച്ചേർത്തു.


⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

Youtube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕

Follow us on :

More in Related News