The Speaker will inaugurate the upgraded bus terminal

കൊണ്ടോട്ടി : പുനർനിർമ്മിച്ച കൊണ്ടോട്ടി നഗരസഭ പി സീതി ഹാജി സ്മാരക ബസ് ടെർമിനലിന്റെ ഉദ്ഘാടനം നിയമസഭ സ്പീക്കർ എ എൻ ഷംസീർ നാളെ(ജൂലൈ 01-ചൊവ്വാഴ്ച) വൈകീട്ട് 4.30 ന് നിർവഹിക്കും. ആധുനിക രീതിയിൽ നവീകരിച്ച ബസ് സ്റ്റാൻഡിൽ പുതിയ കംഫർട് സ്റ്റേഷൻ, വിശ്രമമുറി, ജനസേവന കേന്ദ്രം, പോലീസ് എയ്ഡ് പോസ്റ്റ്‌, കോഫി ഷോപ്പ് ഉൾപ്പെടെയുള്ള സജ്ജീകരണങ്ങളാണ് ഒരുക്കിയിരിക്കുന്നത്. "ടേക്ക് എ ബ്രേക്ക് " ബസ് സ്റ്റാൻഡ് നവീകരണം -75 ലക്ഷം, സൗന്ദര്യ വൽക്കരണം -25 ലക്ഷം, വൈദ്യുതീകരണം -7.5 ലക്ഷം, ഡ്രയ്നേജ് - 10 ലക്ഷം, പുതിയ കംഫർട്ട് സ്റ്റേഷൻ-20 ലക്ഷം, ബസ് ബേ -10 ലക്ഷം അടക്കം 1. 37 കോടി രൂപയുടെ അടങ്കൽ തുകയാണ് മൊത്തം ചിലവഴിച്ചിരിക്കുന്നത്. എം പി മാരായ ഇ ടി മുഹമ്മദ്‌ ബഷീർ, ഹാരിസ് ബീരാൻ, എം എൽ എ മാരായ ടി വി ഇബ്രാഹിം, എ പി അനിൽകുമാർ, പി അബ്ദുൽ ഹമീദ് മാസ്റ്റർ, പി കെ ബഷീർ, പി. ഉബൈദുല്ല, ആര്യാടൻ ഷൗക്കത്ത്, ജില്ലാ പഞ്ചായത്ത് പ്രസിഡന്റ്‌ എം കെ റഫീഖ, ഡി വൈ എസ് പി സന്തോഷ്‌ എന്നിവർ സംബന്ധിക്കും.

3 മണിക്ക് ഘോഷയാത്രയോടെ ആരംഭിക്കുന്ന ചടങ്ങിൽ ഷാ ഫാമിലി ഒരുക്കുന്ന ഗാനമേള, അജിത് കൊണ്ടോട്ടിയുടെ കോമഡി സ്കിറ്റ്, മറ്റു കലാ പരിപാടികളും അരങ്ങേറുമെന്നും സംഘാടകർ വാർത്താ സമ്മേളനത്തിൽ അറിയിച്ചു.

മുനിസിപ്പൽ ചെയർപേഴ്സൺ നിതാ ഷഹീർ, വൈസ് ചെയർമാൻ അഷ്റഫ് മടാൻ, പൊതുമരാമത്ത് സ്റ്റാൻഡിങ് കമ്മിറ്റി ചെയർമാൻ എ മുഹിയുദ്ദീൻ അലി, മറ്റു സ്റ്റാൻഡിങ് കമ്മിറ്റി അധ്യക്ഷരായ സി ടി ഫാത്തിമത്ത് സുഹറാബി,ഫിറോസ് കെപി, റംല കൊടവണ്ടി, കൗൺസിലർമാരായ സുഹൈറുദ്ധീൻ, സനൂപ് മാസ്റ്റർ, റഹ്മത്തുള്ള, സതീഷ് തേരി, റസാഖ് ചൊക്ലി, സാലിഹ്‌ കുന്നുമ്മൽ, എന്നിവർ വാർത്താ സമ്മേളനത്തിൽ പങ്കെടുത്തു.

ഫോട്ടോ: നാളെ ഉദ്‌ഘാടനത്തിനൊരുങ്ങുന്ന നവീകരിച്ച ബസ് സ്റ്റാൻഡിന്റെ രാത്രി ദൃശ്യം