Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
05 Aug 2025 23:01 IST
Share News :
തലയോലപ്പറമ്പ്: തലയോലപ്പറമ്പ് ഗ്രാമപഞ്ചായത്തിലെ അഴിമതിയും കെടുകാര്യസ്ഥതയും ചൂണ്ടിക്കാട്ടി ഭരണസമിതിക്കെതിരെ യു.ഡി.എഫ് അംഗങ്ങൾ കൊണ്ടുവന്ന അവിശ്വാസ പ്രമേയ ചർച്ചയിൽ നിന്നും എൽ.ഡി.എഫ് അംഗങ്ങൾ വിട്ടുനിന്നതോടെ കോറം തികയാതെ യോഗം പിരിഞ്ഞു. ചൊവ്വാഴ്ച രാവിലെ നടന്ന പ്രമേയ ചർച്ച യോഗത്തിൽ 15 അംഗങ്ങളിൽ 6 യുഡിഎഫ് അംഗങ്ങളും ഒരു സ്വതന്ത്രനും ഉൾപ്പെടെ 7 അംഗങ്ങളാണ് പങ്കെടുത്തത്.
തുടർന്ന് പഞ്ചായത്ത് ഓഫീസിന് പുറത്തേക്ക് യു.ഡി.എഫ് അംഗങ്ങൾ പഞ്ചായത്ത് ഭരണ നേതൃത്വത്തിൻ്റെ അഴിമതിക്കെതിരെ മുദ്രാവാക്യം വിളികളുമായി എത്തിയപ്പോൾ സ്ഥലത്തെത്തിയ എൽ.ഡി.എഫ് പ്രവർത്തകരും മുദ്രാവാക്യവുമായി അവിടെക്ക് വന്നത് സംഘർഷത്തിന് ഇടയാക്കി. തലയോലപ്പറമ്പ് എസ് എച്ച് ഒ യുടെ നേതൃത്വത്തിലുള്ള പോലീസ് സംഘം എത്തി ഇരുകൂട്ടരെയും പറഞ്ഞയക്കുകയായിരുന്നു. തുടർന്ന് യുഡിഎഫ് നേതാക്കൾ വാർത്താസമ്മേളനം നടത്തി. പഞ്ചായത്ത് പ്രസിഡൻ്റ് ഉൾപ്പെടെയുള്ള എൽഡിഎഫ് ഭരണനേതൃത്വത്തിന്റെ അഴിമതി ചർച്ച ചെയ്യുന്നത് ഭയന്നാണ് എൽഡിഎഫ് അംഗങ്ങൾ യോഗം ബഹിഷ്കരിച്ചതെന്ന് യുഡിഎഫ് നേതാക്കൾ ആരോപിച്ചു.മാലിന്യം തള്ളുന്നത് ഉൾപ്പടെ കവലകളിലും 20 ഓളം ഇടങ്ങളിലും സ്ഥാപിക്കാൻ സി.സി.ടി.വി ക്യാമറകൾ വാങ്ങിച്ചതിൽ 7 ലക്ഷത്തോളം രൂപയുടെ അഴിമതിയും കഴിഞ്ഞ 10 വർഷമായി പഞ്ചായത്തിന് യാതൊരു വരുമാനവുമില്ലാതെ ബി ഓ ടി അടിസ്ഥാനത്തിൽ ബസ്സ് സ്റ്റാൻ്റ് നിർമ്മാണത്തിലും, ഭവനപദ്ധതിയിലും എൽ.ഡി.എഫ് നടത്തിയ വൻ അഴിമതി ജനമധ്യത്തിൽ വിചാരണ ചെയ്യുമെന്നും നേതാക്കൾ പറഞ്ഞു. കോൺഗ്രസ് ബ്ലോക്ക് പ്രസിഡൻ്റ് എം.കെ.ഷിബു യു.ഡി.എഫ് നേതാക്കളായ കെ. ഡി. ദേവരാജൻ ,
ജോയി ആനാപ്പറമ്പിൽ, വി.ടി.ജയിംസ്, അബ്ദുൾസത്താർ, ഷിഹാബ് വരവുകാല ഗ്രാമ പഞ്ചായത്ത് പ്രതിപക്ഷ നേതാവ് ജോസ് ജേക്കബ് വേലിക്കകം, വിജയമ്മ ബാബു, നിസാർ വരവുകാല, അനിത സുഭാഷ്, സജിമോൻ വർഗ്ഗീസ്, സേതുലക്ഷ്മി അനിൽകുമാർ എന്നിവർ വാർത്താ സമ്മേളനത്തിൽ പങ്കെടുത്തു. അതെ സമയം പഞ്ചായത്ത് ഭരണസമിതിക്കെതിരെ അടിസ്‌ഥാനരഹിതമായ ആരോപണങ്ങൾ ഉന്നയിച്ചും അപവാദങ്ങൾ ചമച്ചുമാണ് യുഡിഎഫ് അവിശ്വാസം കൊണ്ടുവന്നതെന്ന് എൽഡിഎഫ് കൺവീനർ അഡ്വ.ആൻ്റണി കളമ്പുകാടൻ പറഞ്ഞു.
എല്ലാ വിഷയങ്ങളും കമ്മിറ്റിയിൽ ചർച്ച ചെയ്ത താണെന്നും സർക്കാർ ഏജൻസി വഴിയാണ് സിസിടിവി ഉൾപ്പെടെ ഉള്ളവയുടെ ക്വട്ടേഷൻ സ്വീകരിച്ചതെന്നും അവിശ്വാസ പ്രമേയം കൊണ്ടുവന്നത് രാഷ്ട്രീയ പ്രേരിതമാണെന്നും ഗ്രാമ പഞ്ചായത്ത് പ്രസിഡൻ്റ് ഷിജി വിൻസെൻ്റ് പറഞ്ഞു.
Follow us on :
Tags:
More in Related News
Please select your location.
.jpg)
