Tue Dec 12, 2023 10:56 PM 1ST
Location
Sign In
04 Oct 2025 20:56 IST
Share News :
ഗുരുവായൂർ:കേരള പ്രദേശ് ഗാന്ധിദർശൻ വേദി കുന്നംകുളം ഗുരുവായൂർ മണലൂർ നിയോജകമണ്ഡലം കമ്മിറ്റികളുടെ നേതൃത്വത്തിൽ ലഹരി വിരുദ്ധ സദസ്സ് സംഘടിപ്പിച്ചു.ഗുരുവായൂർ ഗാന്ധി സ്മൃതി മണ്ഡപത്തിന് മുന്നിൽ നടന്ന സദസ്സ് കെപിജി സംസ്ഥാന ജനറൽ സെക്രട്ടറിയും,സാഹിത്യകാരനുമായ ഡോ.അജിതൻ മേനോത്ത് ഉദ്ഘാടനം നിർവഹിച്ചു.കെപിജിഡി ജില്ലാ ചെയർമാൻ പ്രൊഫ.വി.എ.വർഗീസ് മുഖ്യപ്രഭാഷണം നടത്തി.ബ്ലോക്ക് കോൺഗ്രസ് കമ്മിറ്റി വൈസ് പ്രസിഡന്റ് ശശി വാറണാട്ട്,കെപിജിയുടെ ജില്ലാ വൈസ് ചെയർമാൻ വി.കെ.ജയരാജൻ എന്നിവർ പ്രസംഗിച്ചു.സദസ്സിന് കെപിജി ഗുരുവായൂർ നിയോജകമണ്ഡലം ചെയർമാൻ ശശിധരൻ വയലത്തൂർ അധ്യക്ഷത വഹിച്ചു.കുന്നംകുളം നിയോജകമണ്ഡലം ചെയർമാൻ വി.എം.രാജേഷ് സ്വാഗതവും മണലൂർ നിയോജകമണ്ഡലം ചെയർമാൻ ജയിംസ് നന്ദിയും ആശംസിച്ചു.കെപിജിഡി ജില്ലാ ജനറൽ സെക്രട്ടറി അഖിൽ എസ്.നായർ,കസ്തൂർബാ ഗാന്ധിദർശൻ ജില്ലാ വൈസ് ചെയർപേഴ്സൺ ഷൈലജ വിശ്വനാഥൻ,ജനറൽ കൺവീനർ ബിന്ദു ടോജോ, നിയോജകമണ്ഡലം ഭാരവാഹികളായ ശിവദാസൻ,പ്രസന്നൻ,ഗിരിജ ജയരാജ്,രവി എന്നിവർ നേതൃത്വം നൽകി.സദസ്സിന്റെ ഭാഗമായി ഗാന്ധിദർശൻ പ്രവർത്തകർ ലഹരി വിരുദ്ധ ലഘുലേഖകൾ വിതരണം ചെയ്തു.
Follow us on :
Tags:
More in Related News
Please select your location.