ഇരിങ്ങപ്പുറം ഈസ്റ്റ് ശാഖയിൽ ജയന്തി ആഘോഷം..

07 Sep 2025 20:03 IST

Share News :

Jayanthi celebration at East Branch beyond Iringapuram.

ഇരിങ്ങപ്പുറം:എസ്.എൻ.ഡി.പി യോഗം ഗുരുവായൂർ യൂണിയൻ ഇരിങ്ങപ്പുറം ഈസ്റ്റ് ശാഖയിൽ 171-ാമത് ശ്രീനാരായണ ഗുരുജയന്തി ആഘോഷിച്ചു.ശാഖ പ്രസിഡന്റ് കെ.കെ.ലോഹിതാക്ഷൻ പതാകയുയർത്തി ഭദ്രദീപം കൊളുത്തി.അലങ്കരിച്ച ഗുരുമണ്ഡപത്തിൽ ദീപം തെളിച്ച് ഗുരുകീർത്തനാലാപനത്തോടെ വനിതാസംഘത്തിന്റെ നേതൃത്വത്തിൽ ഭജനാവലി നടന്നു.ഗുരുവായൂർ യൂണിയൻ സെക്രട്ടറി പി.എ.സജീവൻ പൊതുസമ്മേളനം ഉദ്ഘാടനം ചെയ്തു.ശാഖസെക്രട്ടറി സദാനന്ദൻ താമരശ്ശേരി സ്വാഗതം ആശംസിച്ചു.യൂണിയൻ കൗൺസിലർ കെ.കെ.രാജൻ അദ്ധ്യക്ഷത വഹിച്ചു.കേന്ദ്ര വനിതാ സംഘം കൗൺസിലർ ഷൈലജ രവീന്ദ്രൻ(കോട്ടയം)മുഖ്യപ്രഭാഷണം നടത്തി.യൂണിയൻ ഡയറക്ടർ ബോർഡ് അംഗം പി.പി.സുനിൽകുമാർ(മണപ്പുറം) ജയന്തി സന്ദേശം നൽകി.യൂണിയൻ വനിതാസംഘം സെക്രട്ടറി ശൈലജകേശവൻ,യൂണിയൻ യൂത്ത്മൂവ്ൻ്റെ അംഗം കെ.ആർ.ഉണ്ണികൃഷ്ൻ,യൂണിയൻ കൗൺസിലർ കെ.ജി.ശരവണൻ,വനിതാസംഘം പ്രസിഡന്റ് സിന്ദു ബാബു,സെക്രട്ടറി ഉഷാ ശിവദാസൻ എന്നിവർ സംസാരിച്ചു.എസ്.എസ്.എൽ.സി,പ്ലസ് ടൂ പരീക്ഷകളിൽ വിജയം കൈവരിച്ചവരെയും,പീജിക്ക് സംസ്കൃതത്തിൽ ഉന്നതവിജയം നേടിയ മാളവിക മനോജിനേയും,ശാഖകുടുംബങ്ങളിലെ 70 വയസ്സിന് മുകളിലുള്ളവരേയും യോഗത്തിൽ ആദരിച്ചു.ഒരുകുടുംബത്തിലെ അംഗത്തിന് ചികിൽസാ സഹായവും നൽകി.വിഭവസമൃദ്ധമായ പിറന്നാൾ സദ്യ കഴിച്ച് യോഗം പിരിഞ്ഞു.

Tags: