Free eye check-up camp and distribution of medical aid equipment..

ചാവക്കാട്:കേരള പ്രവാസി സംഘത്തിന്റെ ജില്ലാ പെയിൻ ആൻ്റ് പാലിയേറ്റീവ് കെയറും,അഹല്യ ഐ ഫൗണ്ടേഷനും സംയുക്തമായി സംഘടിപ്പിച്ച സൗജന്യ നേത്രപരിശോധന ക്യാമ്പും മെഡിക്കൽ എയ്ഡ് ഉപകരണങ്ങളുടെ വിതരണവും കേരള പ്രവാസി സംഘം പുന്ന യൂണിറ്റിൻ്റെ ആഭിമുഖ്യത്തിൽ ചാവക്കാട് പുന്ന ജിഎംഎൽപി സ്കൂളിൽ വെച്ച് നടന്നു.പ്രവാസി പെയിൻ ആന്റ് പാലിയേറ്റീവ് കെയർ ജില്ലാ സെക്രട്ടറി സുലേഖ ജമാൽ ഉദ്ഘാടനം ചെയ്തു.മെഡിക്കൽ ഉപകരണങ്ങളുടെ വിതരണോദ്ഘാടനം പ്രവാസി പെയിൻ ആന്റ് പാലിയേറ്റീവ് കെയർ ജില്ലാ പ്രസിഡന്റ്‌ എ.എസ്.താജുദ്ദീൻ നിർവഹിച്ചു.അർഹരായവർക്ക് സൗജന്യമായി ഡയാലിസ് കിറ്റുകളും,വാക്കറുകളും വിതരണം ചെയ്തു.പുന്ന യൂണിറ്റ് പ്രസിഡന്റ് വി.വേണുഗോപാൽ അധ്യക്ഷത വഹിച്ചു.സിപിഐഎം ചാവക്കാട് ഈസ്റ്റ്‌ ലോക്കൽ കമ്മിറ്റി സെക്രട്ടറി പി.എസ്.അശോകൻ,കേരള പ്രവാസി സംഘം ഏരിയ പ്രസിഡന്റ് എം.എ.അബ്ദുൾ റസാഖ്,ഏരിയ സെക്രട്ടറി ബാഹുലേയൻ പള്ളിക്കര,ജില്ലാ എക്സിക്യൂട്ടീവ് അംഗം ശാലിനി രാമകൃഷ്ണൻ,മേഖല പ്രസിഡന്റ് കെ.രാമകൃഷ്ണൻ,സെക്രട്ടറി അബ്ദുൾ അസീസ്,ട്രഷറർ എ.ആർ.അബ്ദു,യുണിറ്റ് സെക്രട്ടറി ആർ.എം.ഉമ്മർ,സി.പി.മുഹമ്മദുണ്ണി തുടങ്ങിയവർ സംസാരിച്ചു.