നൃത്തച്ചുവടുകളിൽ നിറഞ്ഞ് അമ്പാടിയായി തലയോലപ്പറമ്പ് ഗ്രാമ വീഥികൾ; മഹാശോഭായാത്ര ഭക്തി സാന്ദ്രമായി.

14 Sep 2025 18:49 IST

Share News :

Thayolaparambu village streets filled with arrowheads filled with dance steps; Mahashobhayatra Bhakti became dense.

തലയോലപ്പറമ്പ് : നൃത്തച്ചുവടുകളിൽ നിറഞ്ഞ് തലയോലപ്പറമ്പ് പട്ടണം. ഉണ്ണിക്കണ്ണന്മാരും ഗോപികമാരും നിറഞ്ഞാടി, ശ്രീകൃഷ്ണ ജയന്തി ആഘോഷങ്ങളാൽ വീഥികൾ വർണാഭമായി. കാർമേഘ വർണന്റെ ജന്മദിനത്തിൽ ഉണ്ണിക്കണ്ണന്മാരും ഗോപികമാരും ഗ്രാമവീഥികളിൽ അഴകോടെ നിരന്ന് പീലിത്തിളക്കമുള്ള കണ്ണുകളിൽ കൗതുകം നിറച്ച് ഉണ്ണിക്കണ്ണന്മാർ നടന്നു നീങ്ങുന്നതു കാണാൻ വഴിയോരങ്ങളിൽ ജനം കാത്തു നിന്നു. ഗ്രാമവിഥികളെ മറ്റൊരു അമ്പാടിയാക്കി ബാലഗോകുലം ഒരുക്കിയ ശ്രീകൃഷ്ണ ജയന്തി ശോഭായാത്ര.വിവിധ ബാലഗോകുലങ്ങളുടെ നേത്യത്വത്തിൽ. നൂറു കണക്കിന് ശ്രീകൃഷ്ണ, രാധാ വേഷങ്ങൾ, ഗോപികമാർ മറ്റു വിവിധ വേഷങ്ങൾ, നിശ്ചലദൃശ്യം, വാദ്യമേളങ്ങൾ, ഗോപിക നൃത്തം, ഭജന തുടങ്ങിയവ ശോഭായാത്രയ്ക്ക് മിഴിവേകി. ബാലഗോകുലം, വിവിധ ഹൈന്ദവ സംഘടനകൾ എന്നിവയുടെ നേതൃത്വത്തിലാണ് ആഘോഷങ്ങൾ നടന്നത്. ബാലികമാർ, ശ്രീകൃഷ്ണ കഥയെ ആസ്പദമാക്കി വിവിധ വേഷങ്ങൾ, ഗോപികാ നൃത്തം, നിശ്ചല ദൃശ്യങ്ങൾ, ഉറിയടി എന്നിവയുടെ അകമ്പടിയോടെയാണ് ശോഭായാത്രകൾ നടന്നത്. തലയോലപ്പറമ്പ് ബാലഗോകുലത്തിന്റെ ആഭിമുഖ്യത്തിൽ

മാത്താനം, തിരുപുരം, പൂതപുരം, പാലാംകടവ് എന്നിവിടങ്ങളിൽ നിന്നും എത്തിച്ചെർന്ന ശോഭായാത്രകൾ പള്ളിക്കവലയിൽ സംഗമിച്ച് കാർത്ത്യായനി ദേവീക്ഷേത്രത്തിൽ നിന്നും എത്തിയ ശോഭായാത്രയുമായി ചേർന്ന് മഹാശോഭായാത്രയായി തലയോലപ്പറമ്പ് തിരുപുരം ശ്രീ കൃഷ്ണസ്വാമി ക്ഷേത്രത്തിൽ സമാപിച്ചു.

Tags:

നൃത്തച്ചുവടുകളിൽ നിറഞ്ഞ് അമ്പാടിയായി തലയോലപ്പറമ്പ് ഗ്രാമ വീഥികൾ; മഹാശോഭായാത്ര ഭക്തി സാന്ദ്രമായി.

More in Related News