Collective actions can help improve health outcomes: Minister KN Balagopal

ചാത്തന്നൂർ: ആരോഗ്യ രംഗത്തെ നേട്ടങ്ങൾ മെച്ചപ്പെടുത്താൻ കൂട്ടായ പ്രവർത്തനങ്ങൾ സഹായകമാകും: മന്ത്രി കെ.എൻ ബാലഗോപാൽ

പുതിയ കെട്ടിടവും കൂടുതൽ സൗകര്യങ്ങളും വരുന്നതോടെ ജില്ലയിലെ പ്രധാന ആശുപത്രികളിൽ ഒന്നായി ഈ ആരോഗ്യ കേന്ദ്രം മാറുമെന്ന് മന്ത്രി പറഞ്ഞു. ആരോഗ്യ രംഗത്ത് വലിയ വികസന പ്രവർത്തനങ്ങളാണ് കേരളത്തിൽ നടക്കുന്നത്. കാരുണ്യ പദ്ധതി വഴി 42 ലക്ഷം കുടുംബങ്ങൾക്ക് സൗജന്യ ചികിത്സ നൽകുന്ന സംസ്ഥാനമാണ് കേരളം. മുമ്പ് ഒറ്റ മുറിയിൽ ഒതുങ്ങിയിരുന്ന സാഹചര്യം മാറി ആശുപത്രികൾ എല്ലാം സൗകര്യങ്ങളുമുള്ള കേന്ദ്രങ്ങളായി മാറിക്കൊണ്ടിരിക്കുകയാണ്. ജനങ്ങളുടെ താല്പര്യത്തിനനുസരിച്ച് പ്രവർത്തിക്കുകയും കൃത്യമായി പദ്ധതികൾ നടപ്പാക്കാൻ ശ്രമിക്കുകയും ചെയ്യുക എന്നതാണ് സർക്കാറിന്റെയും തദ്ദേശ സ്ഥാപനങ്ങളുടേയുമെല്ലാം ഏറ്റവും വലിയ ഉത്തരവാദിത്തം. ആരോഗ്യ രംഗത്തെ നേട്ടങ്ങൾ കൂടുതൽ മെച്ചപ്പെടുത്താൻ കൂട്ടായ പ്രവർത്തനങ്ങൾ സഹായകരമാകും.

ആരോഗ്യ രംഗത്ത് മണ്ഡലത്തിൽ വിവിധ വികസന പ്രവർത്തനങ്ങൾ പുരോഗമിക്കുകയാണ്. കൊട്ടാരക്കരയിലെ ആയുർവേദ ആശുപത്രി 10 കോടി ചെലവിട്ട് ആയുർവേദ- ഹോമിയോ സംയോജിത ആശുപത്രിയാക്കുന്ന പ്രവർത്തനങ്ങൾക്ക് ജനുവരി 10ന് ആരോഗ്യ മന്ത്രി തുടക്കമിടുമെന്നും കൊട്ടാരക്കരയിൽ നഴ്സിങ് കോളേജ് തുടങ്ങാനായെന്നും മന്ത്രി കൂട്ടിച്ചേർത്തു.

ചടങ്ങിൽ ഗ്രാമപഞ്ചായത്ത് പ്രസിഡന്റ് ആർ. പ്രശാന്ത് അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്റ് സി.എ അഭിലാഷ്, ജില്ലാ പഞ്ചായത്തംഗം ഷൈൻ കുമാർ, എം. ബി പ്രകാശ്, ജയ രഘുനാഥ്, ഡോ. പോളിൻ, മറ്റു ജനപ്രതിനിധികൾ, ആരോഗ്യ വകുപ്പ് ഉദ്യോഗസ്ഥർ എന്നിവർ പങ്കെടുത്തു.