The festival of entry in Muniyoor has been colorful with the arrival of Navagaras.

തിരുരങ്ങാടി : സ്കൂൾ വർണ്ണ തോരണങ്ങൾ കൊണ്ട് അലങ്കരിച്ചും ബാന്റ് വാദ്യഘോഷങ്ങളുടെ അകമ്പടിയോടെയും റെഡ്ക്രോസ് വളണ്ടിയർമാരുടെയും സ്കൗട്ട് ആന്റ് ഗൈഡ്സ് അംഗങ്ങളുടെ ചടുലമായ ചുവട് വെപ്പുകളോടെയും വിദ്യാർത്ഥികളെ വരവേറ്റ് മൂന്നിയൂർ കുന്നത്ത് പറമ്പ് എ.എം.യു.പി.സ്കൂളിൽ പ്രവേശനോൽസവം വർണ്ണാഭമാക്കി . നവാഗതരായി സ്കൂളിലെത്തിയ വിദ്യാർത്ഥികളെ പി.ടി.എ.ഭാരവാഹികളുടെയും മാനേജ്മെന്റിന്റെയും അദ്ധ്യാപകരുടെയും നേത്രത്വത്തിൽ ഘോഷയാത്രയോടെ ബലൂണുകളും മധുരവും നൽകി സ്കൂളിലേക്ക് സ്വീകരിച്ചു.

സ്കൂൾ ഓഡിറ്റോറിയത്തിൽ നടന്ന ചടങ്ങിൽ പി.ടി.എ.പ്രസിഡണ്ട് അഷ്റഫ് കളത്തിങ്ങൽ പാറ അദ്ധ്യക്ഷ്യം വഹിച്ചു. സ്കൂൾ മാനേജർ പി.വി.പി.അഹമ്മദ് ഉദ്ഘാടനം ചെയ്തു. പി.ടി.എ. വൈസ് പ്രസിഡണ്ട് പി.വി.പി. മുസ്ഥഫ, എം.ടി.എ.പ്രസിഡണ്ട് സഫൂറ, ഗിരീഷ് മാസ്റ്റർ, എം. മുസ്ഥഫ ഹുസൈൻ, അലി, മൈമൂന പ്രസംഗിച്ചു. ഹെഡ്മാസ്റ്റർ പ്രശാന്ത് മാസ്റ്റർ സ്വാഗതവും സ്റ്റാഫ് സെക്രട്ടറി അബ്ദുള്ള മാസ്റ്റർ നന്ദിയും പറഞ്ഞു. പ്രവേശനോൽസവത്തിൽ മുഖ്യാത്ഥിതിയായി ഭിന്നശേഷി വിദ്യാർത്ഥി അജ്മൽ ഷാൻ മാളിയേക്കൽ പങ്കെടുത്തു. പ്രവേശനോൽസവത്തോടനുബന്ധിച്ച് വിദ്യാർത്ഥികളുടെ വിവിധ കലാപരിപാടികളും നടന്നു.

Tags:

enlightmedia,malayalamnews,kerala,latestnews