Electricity Board Contract Workers Association (CITU) staged dharna in front of Kondotty Division Office

കൊണ്ടോട്ടി : വിവിധ ആവശ്യങ്ങളുന്നയിച്ച് ഇലക്ട്രിസിറ്റി ബോർഡ് കോൺട്രാക്റ്റ് വർക്കേഴ്സ് അസോസിയേഷൻ (സിഐടിയു) കൊണ്ടോട്ടി ഡിവിഷൻ ഓഫീസിന് മുന്നിൽ ധർണ നടത്തി. ധർണ കെഎസ്ഇബി വർക്കേഴ്സ് അസോസിയേഷൻ (സിഐടിയു) സംസ്ഥാന ജോ:സെക്രട്ടറി കെ ഗീത ഉദ്ഘാടനം ചെയ്തു.അസോസിയേഷൻ ജില്ലാ ജോയിന്റ് സെക്രട്ടറി അനീഷ്‌കുമാർ അധ്യക്ഷത വഹിച്ചു.

ടേൺ കീ വർക്കുകൾ നിർത്തലാക്കി പെറ്റി കോൺട്രാക്ട് തൊഴിലാളികൾക്ക് ജോലി ഉറപ്പാക്കുക, കെഎസ് ഇബിയിലെ എല്ലാ ദിവസ വേതന തൊഴിലാളികളുടെയും വേതനം വർദ്ധിപ്പിക്കുക, ജനറേഷൻ മേഖലയിൽ അനുവദിച്ച 15% വേതന വർദ്ധനവ് എല്ലാ തൊഴിലാളികൾക്കും നൽകുക, വർക്കർമാർക്ക് അനുവദിച്ച 650 രൂപ എല്ലാ മേഖലയിലുമുള്ള വർക്കർമാർക്കും നൽകുക,

പെറ്റി കോൺട്രാക്ട് ബില്ലുകൾക്ക് യഥാസമയം തുക അനുവദിക്കുക, കൂലി നിശ്ചയിക്കാതെ ജോലി അടിച്ചേൽപിക്കുന്ന നടപടികൾ അവസാനിപ്പിക്കുക,

100 മീറ്റർ റീഡിംഗിന് മാന്യമായ വേതനം അനുവദിക്കുക, ലേബർ ഡാറ്റാ പ്രകാരം വേതനം വർദ്ധിപ്പിക്കുമ്പോൾ പണിയെടുക്കുന്ന മുഴുവൻ തൊഴിലാളികളേയും ലിസ്റ്റിൽ ഉൾപ്പെടുത്തുക തുsങ്ങിയ ആവശ്യങ്ങളുന്നയിച്ചായിരുന്നു ധർണ.

സിഐടിയു കൊണ്ടോട്ടി ഏരിയ ട്രഷറർ കെപി സന്തോഷ്‌, ഓഫീസേഴ്‌സ് അസോസിയേഷൻ സംസ്ഥാന കമ്മിറ്റിയംഗം ദ്വിപിൻ ദാസ്, ഒഎ ഡിവിഷൻ കമ്മിറ്റി അംഗം വിനോദ്കുമാർ, വർക്കേഴ്സ് അസോസിയേഷൻ സംസ്ഥാന കമ്മിറ്റിയംഗം ഉണ്ണിരാജൻ, പെൻഷനേഴ്സ് അസോസിയേഷൻ ഡിവിഷൻ ഭാരവാഹികളായ സൈനജൻ

കുന്നത്ത്, ഖാസിം ബാവ തുടങ്ങിയവർ സംസാരിച്ചു.

ഫാസിൽ ഒപി സ്വാഗതവും റീഷ്‌ന നന്ദിയും പറഞ്ഞു.

ഫോട്ടോ : ഇലക്ട്രിസിറ്റി ബോർഡ് കോൺട്രാക്റ്റ് വർക്കേഴ്സ് അസോസിയേഷൻ (സിഐടിയു) കൊണ്ടോട്ടി ഡിവിഷൻ ഓഫീസിന് മുന്നിൽ നടത്തിയ ധർണ കെഎസ്ഇബി വർക്കേഴ്സ് അസോസിയേഷൻ (സിഐടിയു) സംസ്ഥാന ജോ:സെക്രട്ടറി കെ ഗീത ഉദ്ഘാടനം ചെയ്യുന്നു