തിരഞ്ഞെടുപ്പ് ഫലം ; വൈക്കത്ത് ഒന്നിനും രണ്ടിനും വോട്ടുകൾക്ക് പരാജയം മൂന്ന് പേർക്ക് .

13 Dec 2025 19:21 IST

Share News :

Election Result ; Lost by one to two votes in Vaikom for three .

വൈക്കം: വൈക്കം മുനിസിപ്പാൽ, ഗ്രാമ പഞ്ചായത്ത് തിരഞ്ഞെടുപ്പിൽ ഒന്നിനും രണ്ടിനും വോട്ടുകൾക്ക് വൈക്കത്ത് മൂന്ന് സ്ഥാനാർഥികളാണ് പരാജയപ്പെട്ടത്.

വൈക്കം നഗരസഭയിൽ 1നും 2 നും വോട്ടുകൾക്ക് രണ്ട് പേരും വെള്ളൂർ പഞ്ചായത്തിൽ ഒരാളും തോറ്റു.വൈക്കം നഗരസഭ നാലാം വാർഡായ പെരുഞ്ചില്ലയിൽ യു ഡി എഫ് സ്ഥാനാർഥി ഗീത പുരുഷൻ 186 വോട്ടുകൾ നേടിയപ്പോൾ എതിർ സ്ഥാനാർഥി എൽ ഡി എഫിലെ അജിതാവിനോദിന് 185 വോട്ടുകൾ ലഭിച്ചു. പരാജയം ഒരോട്ടിന്.നഗരസഭ 19-ാം വാർഡായ മൂകാംബിക ചിറയിൽ എൽ ഡി എഫ് സ്ഥാനാർഥി എം.ആർ അനിൽ കുമാർ 2 വോട്ടുകൾക്കാണ് വിജയിച്ചത്. എതിർ സ്ഥാനാർഥി യു ഡി എഫിലെ ഷാജിവല്ലൂത്തറ 207 വോട്ടുകൾ നേടിയപ്പോൾ അനിൽ കുമാർ 209 വോട്ടുകൾ നേടി വിജയിച്ചു. വെള്ളൂർ പഞ്ചായത്ത് 16-ാം വാർഡായ വടകരയിൽ മുൻ ഗ്രാമ പഞ്ചായത്ത് വൈസ് പ്രസിഡൻ്റായിരുന്ന എൽ ഡി എഫിലെ മിനി ശിവൻ രണ്ട് വോട്ടുകൾക്കാണ് പരാജയപ്പെട്ടത്. ഇവിടെ യു ഡി എഫിലെ ബിന്ദു മുരളി 295 വോട്ട് നേടി വിജയിച്ചപ്പോൾ മിനി ശിവന് 293 വോട്ടുകളാണ് നേടാനായത്. വൈക്കം നഗര സഭയിൽ രണ്ട് അക്കത്തിൽ താഴെ വോട്ടിന് എൽഡിഎഫ് സ്ഥാനാർഥി ഒരു വാർഡിൽ വിജയിച്ചു. യു ഡി എഫ് സ്ഥാനാർഥിയാണ് തൊട്ടു പിന്നിൽ എത്തിയത്. വൈക്കത്തെ വിവിധ ഗ്രാമ പഞ്ചായത്തുകളിൽ 10നും 25നും ഇടയിലുള്ള വോട്ടുകളുടെ വ്യത്യാസത്തിൽ 12 ഓളം സ്ഥാനാർഥികളാണ് ജയപരാജയം അറിഞ്ഞത്.

Tags:

തിരഞ്ഞെടുപ്പ് ഫലം ; വൈക്കത്ത് ഒന്നിനും രണ്ടിനും വോട്ടുകൾക്ക് പരാജയം മൂന്ന് പേർക്ക് .

More in Related News