Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
13 Jun 2026 09:06 IST
Share News :
കൊച്ചി: മുനമ്പത്തെ 404 ഏക്കർ ഭൂമി വഖഫ് സ്വത്തുക്കളുടെ രജിസ്ട്രേഷൻ സംവിധാനമായ ഉമീദ് പോർട്ടലിൽ ഉൾപ്പെടുത്തിയ സംഭവത്തിൽ കേരള വഖഫ് ബോർഡിനോട് കേന്ദ്രസർക്കാർ വിശദീകരണം തേടി. വിഷയത്തിൽ അഞ്ചുദിവസത്തിനകം മറുപടി നൽകണമെന്നാവശ്യപ്പെട്ടാണ് കേന്ദ്ര ന്യൂനപക്ഷകാര്യ മന്ത്രാലയം നോട്ടീസ് നൽകിയത്.
എന്നാൽ, ജൂൺ 16-ന് ചേരുന്ന വഖഫ് ബോർഡ് യോഗത്തിന് ശേഷമേ ഔദ്യോഗിക മറുപടി നൽകാനാകൂവെന്ന് വഖഫ് ബോർഡ് ചെയർമാൻ കെ. എസ്. ഹംസ അറിയിച്ചു. വിഷയത്തിൽ നിയമോപദേശം തേടിയിട്ടുണ്ടെന്നും ബോർഡ് വൃത്തങ്ങൾ അറിയിച്ചു.
വഖഫ് ബോർഡിന്റെ പ്രത്യേക അധികാരം ഉപയോഗിച്ചാണ് ഫാറൂഖ് കോളേജ് മുതവല്ലിയായ ഭൂമി ഉമീദ് പോർട്ടലിൽ രജിസ്റ്റർ ചെയ്തതെന്നാണ് ലഭ്യമായ വിവരം. കഴിഞ്ഞ മാസമാണ് മുനമ്പത്തെ 404 ഏക്കർ ഭൂമി പോർട്ടലിൽ ഉൾപ്പെടുത്തിയത്. ഇതിനെതിരെ വിവിധ പരാതികൾ കേന്ദ്രസർക്കാരിന് ലഭിച്ചതോടെയാണ് വിശദീകരണം തേടിയുള്ള നടപടി.
മുനമ്പം ഭൂമിയുമായി ബന്ധപ്പെട്ട തർക്കം സംസ്ഥാനത്ത് ഏറെ ചർച്ചയായ സാഹചര്യത്തിലാണ് കേന്ദ്രത്തിന്റെ ഇടപെടൽ.
ഭൂമി രജിസ്ട്രേഷൻ നടപടിക്രമങ്ങൾ, വഖഫ് ബോർഡിന്റെ അധികാരപരിധി, നിയമപരമായ വശങ്ങൾ എന്നിവയാണ് ഇപ്പോൾ പ്രധാന ചർച്ചാ വിഷയങ്ങളായി മാറിയിരിക്കുന്നത്.
വഖഫ് ബോർഡിന്റെ മറുപടിയും തുടർനടപടികളും നിർണായകമാകുമെന്ന് ബന്ധപ്പെട്ട വൃത്തങ്ങൾ വിലയിരുത്തുന്നു
Follow us on :
Tags:
More in Related News
Please select your location.
17.jpeg)
25.jpeg)
24.jpeg)
