Vaikom commemorates the 6th death anniversary of veteran Congress leader Adv.V.V.Sathyan tomorrow(August 04).

വൈക്കം: വൈക്കത്തെ പ്രമുഖ കോൺഗ്രസ് നേതാവും കെ.പി.സി.സി അംഗവും വൈക്കം നഗരസഭ പ്രതിപക്ഷ നേതാവുമായിരുന്ന അഡ്വ. വി.വി.സത്യൻ്റെ 6-ാം ചരമവാർഷികം

നാളെ (ആഗസ്റ്റ് 04) തിങ്കളാഴ്ച

വിവിധ പരിപാടികളോടെ വൈക്കത്ത് വിവിധ കേന്ദ്രങ്ങളിൽ ആചരിക്കും. വാർഡ്, മണ്ഡലം, ബ്ലോക്ക് കോൺഗ്രസ് കമ്മറ്റികളുടെയും അഡ്വ. വി.വി.സത്യൻ സ്മാരക ട്രസ്റ്റ് എന്നിവയുടെയും ആഭിമുഖ്യത്തിലാണ് അനുസ്മരണ പരിപാടികൾ സംഘടിപ്പിച്ചിരിക്കുന്നത്.

വൈക്കം ടൗൺ മണ്ഡലം കോൺഗ്രസ്സ് കമ്മറ്റിയുടെ ആഭിമുഖ്യത്തിൽ രാവിലെ 8ന് പ്രൈവറ്റ് ബസ്സ്റ്റാൻ്റ്, തലയോലപ്പറമ്പ് ടൗൺ വാർഡ് കോൺഗ്രസ് കമ്മറ്റിയുടെ നേതൃത്വത്തിൽ തിരുപുരം രാജീവ് ഗാന്ധി ജംഗ്ഷൻ എന്നിവിടങ്ങളിൽ അനുസ്മരണ യോഗം നടക്കും. രാവിലെ 9 ന് വൈക്കം ബ്ലോക്ക് കോൺഗ്രസ്സ് കമ്മറ്റിയുടെ ആഭിമുഖ്യത്തിൽ ബ്ലോക്ക് കോൺഗ്രസ്സ് കമ്മറ്റി ആഫീസിലും തലയോലപ്പറമ്പ് ബ്ലോക്ക് കോൺഗ്രസ് കമ്മറ്റിയുടെ ആഭിമുഖ്യത്തിൽ തലയോലപ്പറമ്പ് കോൺഗ്രസ് ഭവനിലും പുഷ്പാർച്ചനയും അനുസ്മരണവും നടക്കും. വൈക്കം നഗരസഭ കാര്യാലയത്തിനു മുൻവശം പ്രത്യേകം തയ്യാറാക്കുന്ന സ്മൃതി മണ്ഡപത്തിൽ രാവിലെ 9.30 ന് അഡ്വ. വി.വി.സത്യൻ സ്മാരക ട്രസ്റ്റിൻ്റ ആഭിമുഖ്യത്തിൽ പുഷ്പ്പാർച്ചനയും തുടർന്ന് വൈക്കം സത്യഗ്രഹ മെമ്മോറിയൽ ഹാളിൽ അനുസ്മരണ സമ്മേളനവും നടക്കും. അനുസ്മരണ സമ്മേളനം മുൻ കെപിസിസി പ്രസിഡൻ്റ് വി.എം. സുധീരൻ ഉദ്ഘാടനം ചെയ്യും. ഡി സി സി പ്രസിഡൻ്റ് നാട്ടകം സുരേഷ് മുഖ്യ പ്രഭാഷണം നടത്തും. അനുസ്മരണത്തിൻ്റെ ഭാഗമായി ഉച്ചക്ക് വല്ലകം ജീവനിലയത്തിലെ അന്തേവാസികൾക്ക് ഭക്ഷണ വിതരണവും നടത്തും.