Parappanangadi Municipality bans unauthorized trading establishments, salt, achars and soda juices

പരപ്പനങ്ങാടി : അനധികൃത കച്ചവടം നടത്തുന്ന സ്ഥാപനങ്ങൾ, ഉപ്പിലിട്ടത്, അച്ചാറുകൾ, സോഡാ ജ്യുസുകൾ എന്നിവ നടത്തുന്നത് കർശന നിരോധനം ഏർപ്പെടുത്താൻ പരപ്പനങ്ങാടി നഗരസഭ തീരുമാനിച്ചു. പരപ്പനങ്ങാടി നഗരസഭ ചെയർമാൻ പി പി ഷാഹുൽ ഹമീദിന്റെ അധ്യക്ഷതയിൽ നഗരസഭയിൽ ചേർന്ന യോഗത്തിലാണ് തീരുമാനം എടുത്തത്.

ഇന്ന് മുതൽ കർശന പരിശോധന

നടത്തി ഇത്തരം കച്ചവടം നടത്തുന്ന

സ്ഥാപങ്ങൾക്കെതിരെ നിയമ നടപടികൾ സ്വീകരിക്കാനും തീരുമാനിച്ചു.

പരപ്പനങ്ങാടി നഗരസഭ പരിധിയിൽ നോമ്പ് തുറയോട് അനുബന്ധിച്ചു അനധികൃതമായി നഗരസഭയുടെ അനുമതിയില്ലാതെയും ആരോഗ്യത്തിന് ഹാനികരമായ രീതിയിൽ

വെള്ളം, ചോരണ്ടി ഐസ്, കുലുക്കി സർബത്ത്, ഉപ്പിലിട്ടത്, അച്ചാറുകൾ വ്യാപാരം നടത്തുന്ന സ്റ്റാളുകൾ നിരോധിചിരിക്കുന്നതായും പരിശോധനയിൽ കണ്ടെത്തുന്ന സ്ഥാപനങ്ങൾക്ക് എതിരെ കർശന നടപടികൾ സ്വീകരിക്കാനും തീരുമാനിച്ചു.

യോഗത്തിൽ ഡെപ്യുട്ടി ചെയർപേഴ്സൻ ബി പി സാഹിദ, ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൻ ഖൈറുന്നിസ താഹിർ, വികസന സ്റ്റാൻഡിങ് കമ്മിറ്റി ചെയർപേഴ്സൻ വി കെ സുഹറ ടീച്ചർ,

പൊതുമരാമത്ത് സ്റ്റാൻഡിങ് കമ്മിറ്റി ചെയർപേഴ്സൻ സീനത്ത് ആലിബാപ്പു,

ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൻ കെ പി മുഹ്സിന,

സെക്രട്ടറി ബൈജു പുത്തലത്തൊടി,

ക്ലീൻ സിറ്റി മേനേജർ ജയചന്ദ്രൻ,ആരോഗ്യ വിഭാഗം ജീവനക്കാർ എന്നിവർ പങ്കെടുത്തു.

Tags:

enlightmedia,malayalamnews,kerala,latestnews