KANDAKARI gram panchayat development hall

കടുത്തുരുത്തി: കാണക്കാരി ഗ്രാമപഞ്ചായത്തിലെ വികസന സദസ്് ബ്ലോക്ക് പഞ്ചായത്ത് പ്രസിഡന്‍റ് രാജു ജോണ്‍ ചിറ്റേത്ത്‌ ഉദ്ഘാടനം ചെയ്തു. ഗ്രാമപഞ്ചായത്ത് ഹാളില്‍ നടന്ന ചടങ്ങില്‍ ഗ്രാമപഞ്ചായത്ത് പ്രസിഡന്‍റ് അംബിക സുകുമാരന്‍ അധ്യക്ഷത വഹിച്ചു. ജില്ലാ പഞ്ചായത്തംഗം നിര്‍മ്മലാ ജിമ്മി മുഖ്യപ്രഭാഷണം നടത്തി.സംസ്ഥാന സര്‍ക്കാരിന്‍റെ വികസനം നേട്ടങ്ങള്‍ വികസന സദസ്സ് റിസോഴ്‌സ് പേഴ്‌സണ്‍ ദീപ മോഹനനും പഞ്ചായത്തുതല വികസന പ്രവര്‍ത്തനങ്ങളുടെ അവതരണം ഗ്രാമപഞ്ചായത്ത് സെക്രട്ടറി സോണി ബി. ഹരിബാലും നടത്തി.

ഗ്രാമപഞ്ചായത്ത് വൈസ് പ്രസിഡന്‍റ് ബിജു പഴയപുരയ്ക്കല്‍, ബ്ലോക്ക് പഞ്ചായത്ത് അംഗം കൊച്ചുറാണി സെബാസ്റ്റ്യന്‍, ഗ്രാമപഞ്ചായത്തംഗങ്ങളായ ആഷാ ജോബി, വിനീത രാഗേഷ്, കാണക്കാരി അരവിന്ദാക്ഷന്‍, ലൗലിമോള്‍ വര്‍ഗീസ്, ബിന്‍സി സിറിയക്, അനിത ജയമോഹന്‍, വി. സാംകുമാര്‍, ശ്രീജ ഷിബു, ബെറ്റ്‌സിമോള്‍ ജോഷി, ത്രേസ്യാമ്മ സെബാസ്റ്റ്യന്‍, വി.ജി. അനില്‍കുമാര്‍, മേരി തുമ്പക്കര, ജോര്‍ജ് ഗര്‍വാസീസ്, ഗ്രാമപഞ്ചായത്ത് അസിസ്റ്റന്‍റ് സെക്രട്ടറി പ്രിന്‍സ് ജോര്‍ജ്, സി.ഡി.എസ്. ചെയര്‍പേഴ്‌സണ്‍ സൗമ്യ സന്തോഷ്, കാണക്കാരി സര്‍വീസ് സഹകരണ ബാങ്ക് പ്രസിഡന്‍റ് ബേബി ജോസഫ് എന്നിവര്‍ പങ്കെടുത്തു.