In Thayalapparambu Church, the festival circuit has become devotional.

തലയോലപ്പറമ്പ് :തലയോലപ്പറമ്പ്

സെന്റ്‌ ജോർജ് പള്ളിയിലെ തിരുന്നാളിനോടനുബന്ധിച്ച് ശനിയാഴ്ച വൈകിട്ട് നടന്ന പ്രദക്ഷിണം ഭക്തി സാന്ദ്രമായി. പരിശുദ്ധ കന്യകാമറിയം, വിശുദ്ധ സെബസ്ത്യാ നോസ്, വിശുദ്ധ ഗീവർഗീസ്,ഉണ്ണീശോ,വിശുദ്ധ യൗസേപ്പ്,വിശുദ്ധ കൊച്ചുത്രേസ്യ,

വിശുദ്ധ അൽഫോൺസ എന്നിവരുടെ തിരു സ്വരൂപങ്ങൾ സംവഹിച്ച പ്രദക്ഷിണം പള്ളിയുടെ മുൻകവാടത്തിലൂടെ ചന്ത കപ്പേള വഴി പ്രധാന ജംഗ്ഷൻ ചുറ്റി പള്ളിയിൽ സമാപിച്ചു. തിരുനാൾ ദിനമായ ഞായറാഴ്ച രാവിലെ 5.30ന് വിശുദ്ധ കുർബാന കാർമികൻ അസിസ്റ്റന്റ് വികാരി റവ. ഫാ. ആൽജോ കളപ്പുരയ്ക്കൽ 7ന് വിശുദ്ധ കുർബാന ഇടവക വികാരി റവ. ഫാ. ബെന്നി ജോൺ മാരാംപറമ്പിൽ കാർമികത്വം വഹിക്കും. 8.30ന് വിശുദ്ധ കുർബാന കാർമികൻ റവ. ഫാ.ജോൺ പോൾ പുലിക്കോട്ടിൽ, ഉച്ച കഴിഞ്ഞ് 3.30ന് വിശുദ്ധ കുർബാന കാർമികൻ റവ. ഫാ. സിബിൻ മാടശേരി വൈകിട്ട് 5ന് ആഘോഷമായ തിരുനാൾ കുർബാന റവ. ഫാ. എബിൻചിറയ്ക്കൽ കാർമികത്വം വഹിക്കും.തിരുനാൾ സന്ദേശം റവ. ഫാ.ജിനോ ഭരണി കുളങ്ങര തുടർന്ന് രാജകീയ പട്ടണ പ്രദക്ഷിണം.പരിശുദ്ധ കുർബാനയുടെ ആശിർവാദം.ആകാശ വിസ്മയം എന്നിവ നടക്കും.തിരുനാൾ സമാപന ദിവസമായ 26 ന് മരിച്ചവരുടെ ഓർമ്മദിനം രാവിലെ 6.15ന് മരിച്ചവർക്ക് വേണ്ടിയുള്ള റാസ കുർബാന റവ. ഫാ സിബി പുത്തൻപറമ്പിൽ മുഖ്യ കാർമികത്വം വഹിക്കും.റവ. ഫാ. ജോ ർജ് മേനാച്ചേരി,റവ. ഡോ.ബെന്നി ജോൺ മാരാം പറമ്പിൽ, റവ. ഫാ. ആൽജോ കളപ്പു രയ്ക്കൽ എന്നിവർ സഹ കാർമികരായിരിക്കും. തുടർന്ന് സിമിത്തേരി സന്ദർശനം.കൊടിയിറക്കം. തിരു സ്വരൂപങ്ങൾ തിരികെ എഴുന്നള്ളിക്കൽ.ദേശീയ പതാക ഉയർത്തൽ എന്നിവ നടക്കും.

Tags:

തലയോലപ്പറമ്പ് പള്ളിയിലെ തിരുനാൾ പ്രദക്ഷിണം ഭക്തി സാന്ദ്രമായി.

More in Related News