Tue Dec 12, 2023 10:56 PM 1ST
Location
Sign In
10 Jan 2026 13:25 IST
Share News :
തലയോലപ്പറമ്പ്: സമയം സംബന്ധിച്ച് തർക്കത്തെ തുടർന്ന് തലയോലപ്പറമ്പിൽ സ്വകാര്യ ബസ് ജീവനക്കാർ ഏറ്റുമുട്ടി.
ശനിയാഴ്ച ഉച്ചയ്ക്ക് 12.30 ഓടെ തലയോലപ്പറമ്പ് പഞ്ചായത്ത് ബസ്റ്റാൻ്റിലാണ് സംഭവം.കോട്ടയം -എറണാകുളം റൂട്ടിൽ സർവ്വീസ് നടത്തുന്ന ആവേ മരിയ ബസ്, തലയോലപ്പറമ്പ്- എറണാകുളം റൂട്ടിൽ സർവ്വീസ് നടത്തുന്ന ലോഡ് കിംഗ് ഷട്ടിൽ ബസ്സ് ജീവനക്കാർ തമ്മിലാണ് തർക്കം.കോട്ടയത്ത് നിന്നും എറണാകുളത്തേക്ക് പോകാനായി എത്തിയ മരിയ ഫാസ്റ്റ് ലോഡ് കിംഗ് എത്തിയിട്ടും സ്റ്റാൻ്റിൽ നിന്നും പോകാതെ കിടന്നതോടെയാണ് തർക്കം തുടങ്ങിയത്. ഇതിനിടെ മുന്നോട്ട് എടുത്ത മരിയ ബസ് തട്ടി ലോഡ് കിംഗ് ബസിൻ്റെ സൈഡ് മിറർ തകരുകയായിരുന്നു. ഇതിൽ പ്രകോപിതരായ ലോഡ് കിംഗ് ബസ് ജീവനക്കാർ ഇറങ്ങി വന്ന് തകർത്ത ബസിൻ്റെ സൈഡ്മിറൽ തല്ലിതകർക്കുകയായിരുന്നു.സംഭവമറിഞ്ഞ് തലയോലപ്പറമ്പ് പോലീസ് എത്തി ഇരു വാഹന ജീവനക്കാരെയും സ്റ്റേഷനിലേക്ക് കൊണ്ടുപോയി. സംഭവത്തെ തുടർന്ന് യാത്ര മുടങ്ങിയതോടെ ഇരു ബസ്സിലും കയറിയ യാത്രക്കാർ പിന്നീട് മറ്റ് ബസിൽ കയറിയാണ് യാത്ര തുടർന്നത്. സംഭവത്തിൽ ഇരു ബസ് തൊഴിലാളികളും യൂണിയൻ നേതാക്കളും,ബസ് ഉടമകളും തമ്മിൽ ചർച്ച നടത്തി വൈകിട്ട് പ്രശ്നം പരിഹരിക്കുകയായിരുന്നു.
Follow us on :
More in Related News
Please select your location.