Compulsory professional certification for accounting, finance and auditing jobs in Oman

മസ്‌കറ്റ്: ഒമാനിൽ അക്കൗണ്ടിങ്, ഫിനാൻസ്, ഓഡിറ്റിങ് മേഖലകളിൽ ജോലി ചെയ്യുന്ന എല്ലാവർക്കും 2025 സെപ്റ്റംബർ 1 മുതൽ പ്രൊഫഷണൽ ക്ലാസിഫിക്കേഷൻ സർട്ടിഫിക്കറ്റ് നിർബന്ധമാക്കി തൊഴിൽ മന്ത്രാലയം ഉത്തരവിറക്കി. ഇത് ഈ മേഖലയിലെ പുതിയ വർക്ക് പെർമിറ്റുകൾക്കും നിലവിലുള്ളവ പുതുക്കുന്നതിനും ബാധകമായിരിക്കും.

അക്കൗണ്ടിങ്, ഫിനാൻസ്, ഓഡിറ്റിംഗ് എന്നിവയ്ക്കായുള്ള സെക്ടർ സ്‌കിൽസ് യൂണിറ്റിൽ നിന്നാണ് ഈ സർട്ടിഫിക്കറ്റ് നേടേണ്ടത്. നിർദ്ദിഷ്ട തൊഴിലുകളിൽ വർക്ക് പെർമിറ്റ് അപേക്ഷകളോ പുതുക്കലുകളോ പരിഗണിക്കുന്നതിന് ഈ സർട്ടിഫിക്കറ്റ് ഒരു മുൻവ്യവസ്ഥയായിരിക്കും. സർട്ടിഫിക്കറ്റ് ഇല്ലാതെ സെപ്റ്റംബർ 1-ന് ശേഷം വർക്ക് പെർമിറ്റുകൾ അനുവദിക്കില്ലെന്ന് മന്ത്രാലയം അറിയിച്ചു. എല്ലാ സ്ഥാപനങ്ങളും ഈ നിർദ്ദേശം പാലിക്കണമെന്നും ആവശ്യമായ നടപടികൾ സ്വീകരിക്കണമെന്നും മന്ത്രാലയം നിർദ്ദേശിച്ചു.

പ്രൊഫഷണൽ ക്ലാസിഫിക്കേഷൻ ആവശ്യമുള്ള പ്രധാന തസ്തികകൾ താഴെ പറയുന്നവയാണ്:

1 അക്കൗണ്ട്സ് ടെക്നീഷ്യൻ

2 അസിസ്റ്റന്റ് എക്സ്റ്റേണൽ ഓഡിറ്റർ

3 അസിസ്റ്റന്റ് ഇന്റേണൽ ഓഡിറ്റർ 4 ഇന്റേണൽ ഓഡിറ്റർ

5 എക്സ്റ്റേണൽ ഓഡിറ്റർ

6 കോസ്റ്റ് അക്കൗണ്ടന്റ്

7 ക്രെഡിറ്റ് അനലിസ്റ്റ്

8 ഫിനാൻഷ്യൽ അനലിസ്റ്റ്

9 അക്കൗണ്ട്സ് മാനേജർ

10 ടാക്സ് മാനേജർ

11 ചീഫ് ഫിനാൻഷ്യൽ ഓഫീസർ (സിഎഫ്ഒ)

12 എക്സ്റ്റേണൽ ഓഡിറ്റ് മാനേജർ