പ്രതിഭകൾക്ക് ആദരം; മികവിന് പ്രോത്സാഹനം.

Respect for talent; encouragement for excellence.

തിരൂരങ്ങാടി : കെ.എൻ.എം. എജ്യുക്കേഷൻ ബോർഡിന്റെ കീഴിൽ സംഘടിപ്പിച്ച തിരൂരങ്ങാടി മണ്ഡലം മദ്രസ സർഗമേളയിൽ പങ്കെടുത്ത് മികവ് തെളിയിച്ച വിദ്യാർഥികളെ ആദരിക്കുന്നതിനായി തിരൂരങ്ങാടി നൂറുൽ ഇസ്‌ലാം മദ്രസയിൽ പ്രതിഭാദരം 2026 സംഘടിപ്പിച്ചു.

മദ്രസാ വിദ്യാഭ്യാസത്തോടൊപ്പം വിദ്യാർഥികളുടെ കലാ-സാഹിത്യ കഴിവുകൾ വളർത്തുക, സർഗാത്മക ചിന്തകൾക്ക് അവസരമൊരുക്കുക, മത്സരങ്ങളിലൂടെ ആത്മവിശ്വാസവും ആരോഗ്യകരമായ മത്സരബോധവും വളർത്തുക തുടങ്ങിയ ലക്ഷ്യങ്ങളോടെയാണ് കെ.എൻ.എം. എജ്യുക്കേഷൻ ബോർഡ് മദ്രസ സർഗമേള സംഘടിപ്പിക്കുന്നത്. ഇത്തരം വേദികളിലൂടെ വിദ്യാർഥികൾ ആർജിക്കുന്ന നേട്ടങ്ങളെ അംഗീകരിക്കുകയും തുടർന്നുള്ള മുന്നേറ്റങ്ങൾക്ക് പ്രചോദനം നൽകുകയും ചെയ്യുന്നതിന്റെ ഭാഗമായാണ് പ്രതിഭകളെ ആദരിച്ചത്.

മത്സരങ്ങളിൽ പങ്കെടുക്കുന്നതും നേട്ടങ്ങൾ കൈവരിക്കുന്നതും വിദ്യാർഥികളുടെ വ്യക്തിത്വവികാസത്തിനും കഴിവുകൾ പരിപോഷിപ്പിക്കുന്നതിനും സഹായകമാണെന്ന് ചടങ്ങ് ഓർമിപ്പിച്ചു. വിദ്യാർഥികളിലെ കഴിവുകൾ കണ്ടെത്തി വളർത്തുന്നതിനും കൂടുതൽ ഉയരങ്ങളിലേക്ക് മുന്നേറാൻ പ്രോത്സാഹനം നൽകുന്നതിനും ഇത്തരം ആദരവുകൾ വഴിയൊരുക്കും.

സദർ മുദരിസ് എൻ.പി. അബു മാസ്റ്റർ, പി.ടി.എ. എക്സിക്യൂട്ടീവ് അംഗം ഡോ. അർശാദ് കീത്തടത്ത്, സി.എൻ. അബ്ദുന്നാസർ മദനി, മുനീർ താനാളൂർ, ഒ.പി. അനീസ് ജാബിർ, വി. അലി, പി. ഫഹദ്, ടി.കെ. ജംഷീന , കെ.പി. ഖദീജ, കെ. സൈനബ, കെ. അനീസ്, ഒ.പി. സൗദാബി, എം.പി. ഫൗസീല എന്നിവർ സംബന്ധിച്ചു.