Vaikom Taluk Urban Welfare Kisco Diagnostic Centre inaugurated the upgraded Medical Lab and Imaging Centre.

വൈക്കം: ആരോഗ്യ പരിപാലന രംഗത്തെ ചൂഷണത്തെ ഒരു പരിധിവരെ ചെറുക്കാൻ സഹകരണ മേഖലയിൽ പ്രവർത്തിക്കുന്ന സ്ഥാപനങ്ങൾമൂലം കഴിയുന്നുണ്ടെന്ന് സഹകരണ വകുപ്പ് മന്ത്രി വി.എൻ.വാസവൻ. വൈക്കം താലൂക്ക് അർബൻ വെൽഫെയർ കിസ്കോ ഡയഗ്നോസ്റ്റിക് സെൻ്ററിൻ്റെ അത്യാധുനിക സംവിധാനങ്ങളോടെ നവീകരിച്ച മെഡിക്കൽ ലാബ് ആൻ്റ് ഇമേജിംഗ് സെൻ്റർ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. സ്വകാര്യ സ്ഥാപനങ്ങളിൽ സ്കാനിംഗ് എക്സറേ , രക്തപരിശോധന തുടങ്ങിയവയ്ക്ക് ഈടാക്കുന്നതിൻ്റെ ചാർജിനേക്കാൾ വളരെ കുറച്ചതുകയ്ക്കാണ് സഹകരണ സ്ഥാപനങ്ങളിൽ രോഗനിർണയം നടത്തുന്നതെന്നും അദ്ദേഹം കൂട്ടിച്ചേർത്തു. നമ്മുടെ ആരോഗ്യത്തെ വച്ച് സ്വകാര്യ സ്ഥാപനങ്ങൾ വില പേശാതിരിക്കാൻ സർക്കാർ,സഹകരണ സ്ഥാപനങ്ങളെ മെച്ചപ്പെടുത്തി പിൻബലമേകണമെന്ന് കൃഷിമന്ത്രി പി.പ്രസാദ് അഭിപ്രായപ്പെട്ടു. സംഘം പ്രസിഡൻ്റ് ആർ.ചന്ദ്രശേഖരൻ അധ്യക്ഷത വഹിച്ചു. കിഴതടിയൂർ സഹകരണ ബാങ്ക് പ്രസിഡൻ്റ് എം.എസ്. ശശിധരൻ നായർറിപ്പോർട്ട് അവതരിപ്പിച്ചു. എം എൽ എ മാരായ സി.കെ. ആശ ,അഡ്വ. മോൻസ് ജോസഫ്, സാഹിത്യസഹകരണ സംഘം പ്രസിഡൻ്റ് പി.കെ. ഹരികുമാർ, നഗരസഭ ചെയർപേഴ്സൺ പ്രീതാ രാജേഷ്, നഗരസഭ വൈസ് ചെയർമാൻ പി.ടി. സുഭാഷ് , വാർഡ് കൗൺസിലർ ലേഖ ശ്രീകുമാർ, ജോയിൻ്റ് രജിസ്ട്രാർ പി.പി.സലിം, സർക്കിൾ സഹകരണ യൂണിയൻ ചെയർമാൻ ടി.സി.വിനോദ്, അസിസ്റ്റൻ്റ് രജിസ്ട്രാർ ജനറൽ സി.ആർ.മിനി, അസിസ്റ്റൻ്റ് ഡയറക്ടർ ഓഡിറ്റ് സി.എസ്.പിയ, വിവിധ രാഷ്ട്രീയ കക്ഷി നേതാക്കളായ പി.ശശിധരൻ, എം.ഡി. ബാബുരാജ്, എം.കെ. മഹേഷ്, സുബൈർ പുളിന്തുരുത്തി, എബ്രഹാം പഴയകടവൻ, വെള്ളാള ഐക്യമത്യ സംഘം പ്രസിഡൻ്റ് പി.കെ. പുരുഷോത്തമൻ, സംഘം ഡയറക്ടർ ബോർഡ് അംഗങ്ങളായ എം.വി. മനോജ് , എം.എൻ. ദിവാകരൻ നായർ, എം.അനിൽകുമാർ, കിസ് കോ ബാങ്ക് വൈസ് പ്രസിഡൻ്റ് അഡ്വ. വി.ടി. തോമസ്, സംഘം സെക്രട്ടറി എ.കെ. സോജൻ തുടങ്ങിയവർ പ്രസംഗിച്ചു.