മലപ്പുറം ജില്ലയിൽ സോഷ്യലിസ്റ്റ് കൂട്ടായ്മയ്ക്ക് രൂപം നൽകി

11 Jan 2026 19:16 IST

Share News :

Socialist alliance formed in Malappuram district

രാജ്യത്ത് സോഷ്യലിസ്റ്റ് ഏകീകരണത്തിന്റെ പ്രസക്തി വർദ്ധിച്ച ഈ കാലഘട്ടത്തിൽ സോഷ്യലിസ്റ്റ് കൂട്ടായ്മ അത്യാവശ്യമാണെന്ന് വള്ളിക്കുന്നിൽ ചേർന്ന സോഷ്യലിസ്റ്റുകാരുടെ യോഗം ആവശ്യപ്പെട്ടു. മലപ്പുറം ജില്ലയിൽ സോഷ്യലിസ്റ്റ് കൂട്ടായ്മയ്ക്ക് രൂപം നൽകി. മലപ്പുറം ജില്ലയുടെ വിവിധ ഭാഗങ്ങളിൽ നിന്നെത്തിയ പഴയകാല സോഷ്യലിസ്റ്റുകാരാണ് കൂട്ടായ്മ സംഘടിപ്പിച്ചത്.

ആർ ജെ ഡി മലപ്പുറം ജില്ലാ നേതൃത്വം വളരെ പരാജയം ആണെന്നും സംഘടനയെ ഒത്തൊരുമിച്ചു കൊണ്ടുപോകാനും സംഘടനയെ ശക്തിപ്പെടുത്താനും കഴിവില്ലാത്ത നേതൃത്വം ആണ് ഇപ്പോഴുള്ളത് അവരെ മാറ്റി ജില്ലയിലെ പാർട്ടിയെ ഒന്നിച്ചു കൊണ്ടു പോകാൻ കഴിവുള്ള കമ്മിറ്റിയെയും പ്രസിഡന്റിനെയും തിരഞ്ഞെടുക്കണമെന്ന് സോഷ്യലിസ്റ്റ് കൂട്ടായ്മ നിർദ്ദേശിച്ചു. യോഗത്തിൽ നാരായണൻ പൊന്നാനി അധ്യക്ഷത വഹിച്ചു. മുഹമ്മദ് കുട്ടി മലപ്പുറം, വിനോദ് മങ്കട, ഇസ്മയിൽ പൊന്നാനി, ഷരീഫ് മഞ്ചേരി, ബീരാൻകുട്ടികൊണ്ടോട്ടി, ദാസൻ കൊണ്ടോട്ടി, പ്രകാശൻ കൊണ്ടോട്ടി, ബാബു പള്ളിക്കര,അപ്പുക്കുട്ടൻ വള്ളിക്കുന്ന് എന്നിവർ സംസാരിച്ചു. ജില്ലയിലെ മുഴുവൻ സോഷ്യലിസ്റ്റുകളെയും പങ്കെടുപ്പിച്ചുകൊണ്ട് ജനുവരി അവസാനം വിപുലമായ ഒരു കൺവെൻഷൻ നടത്തുവാനും യോഗം തീരുമാനിച്ചു.