വൈക്കത്ത് കാറിൽ എത്തിയ സംഘം സ്കൂൾ കുട്ടികളെ തട്ടിക്കൊണ്ടുപോകാൻ ശ്രമമെന്ന് സംശയം; പോലീസ് അന്വോഷണം ആരംഭിച്ചു.

26 Jan 2026 21:45 IST

Share News :

It is suspected that the gang who arrived at Vaikkathu car was trying to kidnap the school children; police have started an investigation.

വൈക്കം: ആറാം ക്ലാസ് വിദ്യാർഥികളായ രണ്ട് സഹപാഠികളെ കാറിൽ എത്തിയ സംഘം തട്ടിക്കൊണ്ടുപോകാൻ ശ്രമം നടത്തിയതായി പറയുന്നു. വെച്ചൂർ അഞ്ചുമന പാലത്തിനുസമീപം തിങ്കളാഴ്ച ഉച്ചയ്ക്ക് 2.45 ഓടെയാണ് സംഭവം. കല്ലറ പോലീസ് സംഭവത്തിൽ അന്വോഷണം ആരംഭിച്ചു. സൈക്കിളിൽ എത്തിയ കുട്ടികൾ പാലത്തിന് സമീപം നിൽക്കുന്നതിനിടെ ബണ്ട് റോഡ് ഭാഗത്ത് നിന്നും കുമരകം ഭാഗത്തേക്ക് വന്ന കാർ ഇവരുടെ അടുത്ത് നിർത്തുകയും രണ്ട് പേർ കാറിൽ നിന്നും ചാടി ഇറങ്ങി കുട്ടികളുടെ മുഖത്ത് നോർത്ത് ചുറ്റിപിടികൂടാൻ ശ്രമിക്കുകയുമായിരുന്നുവെന്ന് പറയപ്പെടുന്നു. കുട്ടികൾ ഭയന്ന് കുതറി ഓടി ഉടൻ സമീപത്തെ വീട്ടിൽ എത്തി വിവരം അറിയിക്കുകയായിരുന്നു. സംഭവം അറിഞ്ഞ് ഗ്രാമപഞ്ചായത്ത് അംഗം സുരേഷ് കുമാറും നാട്ടുകാരും മറ്റും ഉടൻ ഓടിയെത്തിയെങ്കിലും കാറോ കാറിൽ വന്നവരെയോ കണ്ടെത്താനായില്ല.. തുടർന്ന് കല്ലറ പോലീസിൽ വിവരം അറിയിക്കുകയായിരുന്നു. പോലീസും നാട്ടുകാരും മറ്റ് ജനപ്രതിനിധികളും സമീപത്തുള്ള സിസിടിവി ദൃശ്യങ്ങൾ പരിശോധിച്ച് വിശദമായ അന്വേഷണം നടത്തി വരികയാണ്.

Tags:

വൈക്കത്ത് കാറിൽ എത്തിയ സംഘം സ്കൂൾ കുട്ടികളെ തട്ടിക്കൊണ്ടുപോകാൻ ശ്രമമെന്ന് സംശയം; പോലീസ് അന്വോഷണം ആരംഭിച്ചു.

More in Related News