വിനായക ചതുർത്ഥി; വൈക്കം ജി എസ് ബി സമാജത്തിൻ്റെ നേതൃത്വത്തിൽ നടത്തിയ ഗണേശ വിഗ്രഹ നിമഞ്ജന ഘോഷയാത്ര ഭക്തിസാന്ദ്രമായി.

Vinayaka Chaturthi; Ganesha idol Nimanjana procession led by Vaikom GSB Samaj became a place of devotion.

വൈക്കം: വിനായക ചതുർത്ഥിയോടനു ബന്ധിച്ച് വൈക്കം ഗൗഡ സരസ്വത ബ്രാഹ്മണ സമാജത്തിൻ്റെ നേതൃത്വത്തിൽ തിങ്കളാഴ്ച വൈകിട്ട് നടത്തിയ ഗണേശ വിഗ്രഹ നിമഞ്ജന ഘോഷയാത്ര ഭക്തിസാന്ദ്രമായി. വൈക്കം മുരിയംകുളങ്ങരയിലുള്ള സമാജം ഹാളിൽ നിന്നും വൈകിട്ട് 7ന് അലങ്കരിച്ച രഥത്തിൽ ഗണേശ വിഗ്രഹം വിവിധ വാദ്യമേളങ്ങളുടെ അകമ്പടിയോടെ നാമജപങ്ങളുടുകൂടി എഴുന്നള്ളിച്ച് ക്ഷേത്രനഗരിയിലൂടെ ഘോഷയാത്രയായി ബോട്ടുജട്ടിയിൽ എത്തി വേമ്പനാട്ട് കായലിൽ വിഗ്രഹം നിമഞ്ജനം ചെയ്തു. രാവിലെ മുതൽ നടന്ന പ്രാണ: പ്രതിഷ്ഠ, ഗണപതി ഹവനം, പൂർണ്ണാ ഹൂതി, മോദകമാല സമർപ്പണം, മംഗളാരതി, പ്രാർത്ഥന തുടങ്ങി വൈകിട്ട് വരെ നടന്ന വിവിധ ചടങ്ങുകൾക്ക് ശേഷമാണ് നിമഞ്ജന ഘോഷയാത്ര ആരംഭിച്ചത്. ബ്രഹ്മശ്രി തുറവൂർ അനിൽ ഭട്ട് പൂജ ചടങ്ങുകൾക്ക് കാർമ്മികത്വം വഹിച്ചു. വൈക്കം സ്ഥപതി ചിത്രകലാ പരിശീലന കേന്ദ്രത്തിലെ കൃഷ്ണകുമാർ കേരളവർമ്മയാണ് ഇത്തവണയും ഗണേശ വിഗ്രഹം ഒരുക്കിയത്. കൺവീനർ സുധകർ നായ്ക്ക്, വീരകുമാർ കമ്മത്ത്, ശ്രീവാസ് നായ്ക്ക്, മനോജ് കമ്മത്ത്, കണ്ണൻ കമ്മത്ത് തുടങ്ങിയവർ ചടങ്ങുകൾക്ക് നേതൃത്വം നൽകി. നൂറ് കണക്കിന് ഭക്തജനങ്ങൾ നിമഞ്ജന യാത്രയിൽ പങ്കെടുത്തു. വാദ്യമേളങ്ങളുടെയും നാമ ജപങ്ങളുടെയും അകമ്പടിയോടെ അലങ്കരിച്ച രഥത്തിൽ എഴുന്നള്ളിച്ച ഗണേശ വിഗ്രഹ ഘോഷയാത്രയ്ക്ക് വഴിയോരങ്ങളിൽ ഭക്തജനങ്ങൾ നിലവിളക്ക് കൊളുത്തിയും ഗണേശ മന്ത്രങ്ങൾ ഉരുവിട്ടും സ്വീകരണം നൽകി. വിഘ്നേശര ആരാധനക്ക് ശേഷം ഭക്തർ വിഗ്രഹം നിമഞ്ജനം ചെയ്തു.തുടർന്ന് പ്രസാദ വിതരണവും നടന്നു.

Tags:

More in Related News