സലാലയിൽ എന്ത് സഹായവും നൽകാൻ തയ്യാറായി സലാല ട്രാവലേഴ്‌സ് ക്ലബ്

സലാല: സലാലയിൽ എന്ത് സഹായവും നൽകാൻ തയ്യാറായി സലാല ട്രാവലേഴ്‌സ് ക്ലബ്. സലാലയുടെ ഉള്ളും തുടിപ്പും ഇടവഴികളും അടുത്തറിയുന്നത് കൊണ്ടാവാം മലയാളികളായ ഈ ചെറുപ്പക്കാർക്കും അവരുടെ കൂട്ടായ്മയ്ക്കും സലാലയുടെ ഗൂഗിൾ മാപ്പ് എന്നാണ് വിളിപ്പേരുള്ളത്.

ഒമാനിലെ ദോഫാറിൽ ഖരീഫ് സീസണിനു തുടക്കമായതോടെ നിരവധി സഞ്ചാരികളാണ് പ്രകൃതി ഭംഗി ആസ്വദിക്കാനും അവധിക്കാലം ചിലവിടാനും ദോഫാറിലേക്ക് എത്തുന്നത്. വിവിധ ഗൾഫ് രാജ്യങ്ങളിൽ നിന്നും, ആയിരത്തിലധികം കിലോമീറ്റർ താണ്ടി മസ്‌കറ്റിൽ നിന്നും, ഒമാൻ്റെ മറ്റ് ഭാഗങ്ങളിൽനിന്നും നിരവധി സന്ദർശകരാണ് മൺസൂൺ ആസ്വദിക്കാൻ സലാലയിൽ ഒഴുകിയെത്തുന്നത്. ഇവർക്ക് ഏത് സമയത്തും എന്ത് സഹായവും നൽകാൻ സന്നദ്ധമായി നിൽക്കുന്ന മലയാളി കൂട്ടായ്മയാണ് സലാല ട്രാവലേഴ്‌സ് ക്ലബ്.

സന്നദ്ധ സേവനത്തിനൊപ്പം ദോഫാർ ടൂറിസം പ്രമോട്ട് ചെയ്യാൻ ഫോട്ടോഗ്രാഫി മത്സരങ്ങളും ഇവർ സംഘടിപ്പിക്കാറുണ്ട്. ഖരീഫ് കാലം മുഴുവനും ദിവസവും നടത്തുന്ന മത്സരങ്ങളിൽ വിജയികൾ ആകുന്നവർക്ക് സ്പോൺസർ മാരുടെ സഹായത്തോടെ സമ്മാനങ്ങളും നൽകുന്നു. മത്സരത്തിൻ്റെ അവസാനം മെഗാ സമ്മാനവും നൽകുന്നുണ്ട്. ട്രാവലേഴ്‌സ് ക്ലബ്ബിൻ്റെ മൂന്നോളം വാട്‌സ്ആപ്പ് ഗ്രൂപ്പുകൾ വഴിയാണ് മത്സരങ്ങൾ നടത്തുക. സഞ്ചാരികൾ എടുക്കുന്ന നൂറ് കണക്കിന് മനോഹര ചിത്രങ്ങളിൽ നിന്നും ഓരോ ദിവസവും ഓരോ വിജയികളെ 3 മാസവും തെരെഞെടുക്കും. 3000ലേറെ മലയാളികളുണ്ട് സലാല ട്രാവലേഴ്‌സ് ക്ലബ്ബിൻ്റെ വാട്‌സ്‌ആപ്പ് ഗ്രൂപ്പുകളിൽ.

സിറാജ് സിദാൻ, സിദ്ധിഖ് ബാബു, ഫാറൂഖ്, ശിഹാബ് ആലടി, ഉസ്‌മാൻ സായ്‌വാൻ, അനസ് പോപ്‌സ് എന്നിവരാണ് സലാല ട്രാവലേഴ്‌സ് ക്ലബ്ബിൻ്റെ അണിയറയിൽ പ്രവർത്തിക്കുന്നത്. എല്ലാ വെള്ളിയാഴ്‌ചയും പുതിയ സ്ഥലങ്ങൾ കണ്ടെത്തി സന്ദർശകരെ പരിചയപ്പെടുത്തുകയാണ് ഇവരുടെ പ്രധാന പാഷൻ. ഇവർ കണ്ടെത്തുന്ന പുതിയ പുതിയ സ്ഥലങ്ങൾ ഇവരുടെ സ്വന്തം സോഷ്യൽ മീഡിയ പേജുകളിലൂടെ മറ്റുള്ളവർക്ക് പരിചയപ്പെടുത്തി കൊടുക്കും. ഇവരുടെ വെള്ളിയാഴ്‌ച യാത്രകളിൽ ആർക്കും ഇവരോടൊപ്പം കൂടാം. യാത്രയെ പ്രണയിച്ച, പുതിയ സ്ഥലങ്ങൾ കണ്ടെത്തുന്നതിലും അതൊക്കെ മറ്റുള്ളവരുമായി പങ്കുവയ്ക്കുന്നതിലും ലഹരി കണ്ടെത്തുന്നവരാണിവർ.

സലാലയിൽ എത്തുന്ന ആർക്കും അവർ ചിലവഴിക്കുന്ന ദിവസങ്ങൾക്ക് അനുസരിച്ച് ട്രാവൽ പ്ലാൻ തയ്യാറാക്കി നല്‌കാനും ഇവർ സഹായിക്കാറുണ്ട്. വഴി തെറ്റി പോകുന്നവർക്ക് വഴികാട്ടിയായും അപകടത്തിൽ പെടുന്നവർക്ക് ആശ്വാസമായും ഇവരുടെ സാന്നിധ്യം ശ്രദ്ധേയമാണ്. 

ദോഫാറിലെ മലനിരകളിൽ ഇവർക്കറിയാത്ത ഇടവഴികളില്ല. സലാലയിൽ എത്തുന്ന സഞ്ചാരികൾക്ക് താമസ സ്ഥലം ഒരുക്കി നല്‌കാനും, റെൻ്റ് കാറുകൾ കണ്ടെത്താനും വരെ ഇവർ സഹായിക്കാറുണ്ട്. ഖരീഫ് കാലത്ത് മാത്രമല്ല ട്രാവലേഴ്‌സ് ക്ലബ്ബിന്റെ സാമൂഹ്യ സേവനം. രക്തദാന ക്യാമ്പുകൾ നടത്തിയും, ഫുട്ബോൾ മത്സരങ്ങൾ സംഘടിപ്പിച്ചും. മറ്റ് സാമൂഹ്യ സേവനങ്ങളിൽ പങ്കാളികളായും ഈ ചെറുപ്പക്കാർ മറുനാട്ടിൽ മലയാളികളുടെ സാമൂഹ്യ ബോധത്തെ ഉയർത്തി പിടിക്കുന്നുണ്ട്.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

Youtube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕