ഫീസ് വർദ്ധനവിനെ തുടർന്ന് സൂർ ഇന്ത്യൻ സ്കൂളിൽ രക്ഷിതാക്കളുടെ പ്രതിഷേധം അണപൊട്ടി

സൂർ: ഫീസ് വർദ്ധനക്കെതിരായും, സ്കൂൾ പ്രവർത്തനസമയം അധികമാക്കിയതിലും പ്രതിഷേധിച്ച് രക്ഷിതാക്കൾ നൽകിയ ഭീമഹർജിയെ തുടർന്ന് സ്കൂൾ മാനേജ്മെന്റ് കമ്മറ്റി ബുധനാഴ്ച്ച രക്ഷിതാക്കളുടെ യോഗം വിളിച്ചു. 

വെറും 36 മണിക്കൂർ മുൻപ് മാത്രം നോട്ടീസ് നൽകി പ്രവർത്തി ദിവസത്തിൽ വൈകീട്ട് 7 മണിക്ക് യോഗം വിളിച്ചിട്ടും രക്ഷിതാക്കാളുടെ പ്രതിഷേധം മുൻപെങ്ങുമില്ലാത്ത വിധം പങ്കാളിത്തമായി മാറി.

എംപി ഹാൾ നിർമ്മാണത്തിന്റെയും, സ്കൂൾ ഗ്രൗണ്ടിന്റെ നിർമ്മാണത്തിന്റെയും കെടുകാര്യസ്ഥത തീർത്ത ഫീസ് വർധനവും, പുസ്തക വില വർധനവും , മറ്റ് നിരവധി വിഷയങ്ങളും രക്ഷിതാക്കൾ ഉയർത്തി.

250-ൽ അധികം രക്ഷിതാക്കൾ ആണ് യോഗത്തിൽ പങ്കെടുത്തത്. പ്രവർത്തിദിവസം അല്ലായിരുന്നെങ്കിൽ നിരവധി രക്ഷിതാക്കൾ ഇനിയും പങ്കെടുക്കുമായിരുന്നു എന്ന് രക്ഷിതാക്കാളുടെ പ്രതിനിധികൾ അഭിപ്രായപ്പെട്ടു.

സ്കൂൾ മാനേജ്മെന്റ് കമ്മറ്റി നിർവഹിക്കേണ്ട ഉത്തരവാദിത്വങ്ങൾ നിർവഹിക്കാതെ എല്ലാ ഭാരവും രക്ഷിതാക്കാളുടെ തലയിൽ വെക്കുന്ന സ്കൂൾ മാനേജ്മെന്റിനെതിരെ ശക്തമായ ഭാഷയിൽ രക്ഷിതാക്കൾ പ്രതികരിച്ചു. രക്ഷിതാക്കളുടെ പ്രധിഷേധത്തെയും ചോദ്യങ്ങളെയും നേരിടാൻ സ്കൂൾ മാനേജ്മെന്റ് കമ്മറ്റിക്ക് സാധിക്കാത്ത രീതിയിലുള്ള വലിയ പ്രക്ഷോഭമാണ് ഉണ്ടായത്.

 സ്കൂൾ അധികാരികൾ മീറ്റിംഗിന് എത്തിയ രക്ഷിതാക്കൾക്ക് ആവശ്യത്തിനുള്ള വെള്ളം പോലും വിതരണം ചെയ്യാൻ തയ്യാറായില്ല. 8.30 വരെ പറഞ്ഞിരുന്ന മീറ്റിംഗ് തീർന്നപ്പോൾ 11.30 കഴിഞ്ഞു. മീറ്റിംഗിൽ പങ്കെടുത്ത രക്ഷിതാക്കൾക്ക് വെള്ളവും ലഘുഭക്ഷണവും സാമൂഹ്യപ്രവർത്തകർ 10. 45 ആയപ്പോൾ എത്തിച്ചുകൊടുക്കുകയാണ് ചെയ്തത്. മീറ്റിംഗ് വിളിച്ചിട്ട് ആവശ്യത്തിന് വെള്ളം പോലും കരുതാൻ സാധിക്കാത്ത സ്കൂൾ മാനേജ്മെന്റിന്റെ കെടുകാര്യസ്ഥത ഇതിൽ നിന്നും വ്യക്തമാണ്. 

രക്ഷിതാക്കൾ ഉന്നയിക്കുന്ന എത് വിഷയങ്ങൾക്കും സ്കൂൾ മാനേജ്മെന്റ് കമ്മറ്റി "BOD" യെ പഴിക്കുന്ന സാഹചര്യത്തിൽ "BOD" യുടെ സാന്നിധ്യത്തിൽ യോഗം വിളിക്കാൻ രക്ഷിതാക്കൾ ആവശ്യപ്പെട്ടു.

സൂറിൽ ഭൂരിഭാഗം സാധാരണക്കാരായ രക്ഷിതാക്കൾ ആണെന്നും, ഇനിയും ഫീസ് വർദ്ധനവ് ഉണ്ടായാൽ,ഫീസ് അടച്ച് കുട്ടികളെ പഠിപ്പിക്കാൻ സാധിക്കാത്ത അവസ്ഥയാണെന്നും അതുകൊണ്ട് തന്നെ ഒരു കാരണവശാലും ഫീസ് വർദ്ധനവ് അംഗീകരിക്കാൻ സാധിക്കില്ല എന്നും രക്ഷിതാക്കൾ അറിയിച്ചു.

ഒരാഴ്ച്ചക്കുള്ളിൽ, കൂട്ടിയ ഫീസ് കുറക്കാനുള്ള തീരുമാനം ഉണ്ടാക്കാം എന്ന സ്കൂൾ മാനേജ്മെന്റ് കമ്മറ്റിയുടെ ഉറപ്പോടെയാണ് യോഗം പിരിഞ്ഞത്. ഫീസ് സംബന്ധിച്ച പുതിയ സർക്കുലർ വരുന്നത് വരെ പുതുക്കിയ ഫീസ് അടക്കേണ്ടതില്ല എന്നും അതിന്മേലുള്ള ഫൈനുകൾ ഈടാക്കില്ല എന്നും സ്കൂൾ മാനേജ്മെന്റ് കമ്മറ്റി ഉറപ്പ് നൽകി.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaoman

Youtube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕