Oman Krishi Kootam Harvest Fest 2026

മസ്‌കറ്റ്: ഒമാൻ കൃഷിക്കൂട്ടം ഒരുക്കുന്ന ഷാഹി ഫുഡ്‌സ് & സ്പൈസസ് ഹാർവെസ്റ്റ് ഫെസ്റ്റ് 2026-ൻ്റെ പോസ്റ്റർ പ്രകാശനം അൽ ഖുവൈർ മലബാർ ഡേയ്സ് റെസ്റ്റോറന്റിൽ വെച്ച് നടന്നു.

ഒമാൻ കൃഷിക്കൂട്ടം "ഹാർവെസ്റ്റ് ഫെസ്റ്റ് 2026", മാർച്ച് 27-ന് വൈകുന്നേരം മജാൻ ഹൈറ്റ്സിൽ വെച്ച് സംഘടിപ്പിക്കുമെന്ന് സംഘാടകർ പത്രസമ്മേളനത്തിൽ അറിയിച്ചു.

"ഹാർവെസ്റ്റ് ഫെസ്റ്റ് 2026" സിനിമ-സീരിയൽ നടൻ വിനോദ് കോവൂർ മുഖ്യാതിഥിയായിരിക്കുമെന്നും. നാട്ടിൽ മികച്ച രീതിയിൽ കൃഷി ചെയ്ത് മാതൃകയായ ശ്രീമതി ബിൻസി ജെയിംസിനെ 'പ്രകൃതി മിത്ര' പുരസ്കാരം നൽകി ആദരിക്കുമെന്നും സംഘാടകർ അറിയിച്ചു. പുരസ്കാരവും, പ്രശസ്തി പത്രവും, 25,000 ഇന്ത്യൻ രൂപയും അടങ്ങുന്നതാണ് പ്രകൃതി മിത്ര പുരസ്കാരം.

അതോടൊപ്പം, ഒമാൻ കൃഷിക്കൂട്ടത്തിൻ്റെ നേതൃത്വത്തിൽ ഏറ്റവും മികച്ച കർഷകനെ അല്ലങ്കിൽ കർഷകയെ കണ്ടെത്തി അവർക്ക് ഒമാൻ കർഷക ശ്രീ പുരസ്കാരം നൽകി ആദരിക്കുന്നതാണെന്നും അറിയിച്ചു. ഇതിനോടൊപ്പം ഷാഹി ഫുഡ്‌സ് & സ്പൈസസ് സ്പോൺസർ ചെയ്യുന്ന 50,000 ഇന്ത്യൻ രൂപയുടെ പാരിതോഷികവും നൽകുന്നതാണ്.

കൂടാതെ, ചടങ്ങിൽ മുതിർന്ന കർഷകർക്ക് ആദരം എന്ന പേരിൽ ഒമാൻ കൃഷിക്കൂട്ടത്തിലെ തിരഞ്ഞെടുക്കപ്പെട്ട മുതിർന്ന അംഗങ്ങളായ കർഷകരെ ആദരിക്കുമെന്നും സംഘാടകർ അറിയിച്ചു.

പുരസ്കാര ദാന ചടങ്ങിന് ശേഷം പ്രശസ്ത ഗായകരായ രേഷ്മ രാഘവേന്ദ്രനും വിഷ്ണു വർധനും അവതരിപ്പിക്കുന്ന സംഗീത നിശാ ഉണ്ടായിരിക്കുന്നതാണെന്ന് ബന്ധപ്പെട്ടവർ അറിയിച്ചു.

അൽ ഖുവൈർ മലബാർ ഡേയ്സ് റെസ്റ്റോറന്റിൽ വെച്ച് നടന്ന പത്രസമ്മേളനത്തിൽ ഷൈജു വെത്തോട്ടിൽ, അജീഷ് വാസു, രഷ്മി സന്ദീപ്, അൻവർ സി എ, വിനോദ് കുമാർ കൂടാതെ ഒമാൻ കൃഷിക്കൂട്ടം ഭാരവാഹികളും പങ്കെടുത്തു.

റിപ്പോർട്ട്: ഷാർഗി ഗംഗാധർ

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക ttps://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

YouTube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕

Tags: