Malayali soldier who went missing during train journey returns home

മസ്‌കറ്റ്: മുംബൈയിൽനിന്ന് ഉത്തർപ്രദേശിലേക്കുള്ള ട്രെയിൻ യാത്രക്കിടെ കാണാതായ മലയാളി സൈനികൻ വീട്ടിൽ തിരിച്ചെത്തിയതായി വീട്ടുകാർ ആർമി അധികൃതരെ വിവരമറിയിച്ചു.

തൃശ്ശൂർ ഗുരുവായൂർ താമരയൂർ മസ്‌ജിദിന് സമീപം കൊങ്ങണം വീട്ടിൽ ഗഫൂറി ന്റെയും ഫൗസിയയുടെയും മകൻ ഫർസീനാണ് (28) ശനിയാഴ്‌ച രാത്രി വീട്ടിലെത്തിയത്. ഇദ്ദേഹത്തെ കാണാതായപ്പോൾ രാഷ്ട്രപതി ഇടപെടണമെന്നാവശ്യപ്പെട്ട് പിതാവ് മസ്‌കറ്റിൽ ഇന്ത്യൻ എംബസിയെ സമീപിച്ചിരുന്നു.

ബീഹാറിലേക്ക് യാത്രപോയതാണെന്നാണ് ഫർസീൻ കുടുംബത്തോട് നൽകിയ മറുപടി. അതേസമയം, ഫർസീന് ഓർമ കുറവ് അടക്കമുള്ള ആരോഗ്യ പ്രശ്‌നങ്ങൾ ഉണ്ടെന്നാണ് വീട്ടുകാർ പറയുന്നത്. യാത്രക്കിടെ ചില സാധനങ്ങൾ നഷ്ടപ്പെട്ടതായും കുടുംബം പറയുന്നു. ഫർസീനെ ചാവക്കാട്ടെ സ്വകാര്യ ആശുപത്രിയിൽ പ്രവേശിപ്പിച്ചു.

ആർമിയിൽ പൂണെ റെജിമെൻ്റിൽ ആംഡ് ഫോഴ്‌സസ് മെഡിക്കൽ കോളജിൽ ഫാർമസിസ്റ്റായി ജോലി ചെ യ്യുന്ന ഫർസീൻ പരിശീലനത്തിനായി യു.പിയിലെ ബറേലിയിലുള്ള ആർമി ആശുപത്രിയിലേക്ക് ട്രെയിൻ മാർഗം പോകാൻ ജൂലൈ 9നാണ് ബാന്ദ്രയിൽനിന്ന് 22975 നമ്പർ റാംനഗർ എക്സ്പ്രസ് ട്രെയിനിൽ കയറിയത്. ജൂലൈ 10ന് രാത്രി 10.45 വരെ വീട്ടുകാരുമായി ഫോണിൽ ബന്ധപ്പെട്ടിരു ന്നു. പിന്നീട് വിവരമൊന്നുമില്ലാതായി. അഞ്ച് വർഷം മുമ്പാണ് ഫർസീൻ ആർമിയിൽ ചേർന്നത്. മൂന്ന് മാ സം മുമ്പ് നാട്ടിൽ വന്നുപോയിരുന്നു. ഭർത്താവിനെ കണ്ടെത്തണമെന്നാവശ്യപ്പെട്ട് ഫർസിൻ്റെ ഭാര്യ സെറി ന ഹൈകോടതിയിൽ ഹേബിയസ് കോർപ്പസ് ഹരജി നൽകിയിരുന്നു.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

Youtube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕