മലയാളം മിഷൻ ബുറൈമി മേഖലാ പ്രവേശനോത്സവവും സുഗതാഞ്ജലി മത്സരവും സംഘടിപ്പിച്ചു

ബുറൈമി: മലയാളം മിഷൻ ഒമാൻ ചാപ്റ്റർ ബുറൈമിയുടെ ആഭിമുഖ്യത്തിൽ പ്രവേശനോത്സവവും, സുഗതാഞ്ജലി കാവ്യാലാപനമത്സരവും സംഘടിപ്പിച്ചു. സെപ്‌തംബർ 13 ന് ബുറൈമി പഠനകേന്ദ്രത്തിൽ വച്ചു നടന്ന പരിപാടിയിൽ നിരവധി കുട്ടികൾ പങ്കെടുത്തു. മലയാളം മിഷൻ ഒമാൻ ചാപ്റ്റർ സെക്രട്ടറി അനു ചന്ദ്രൻ പരിപാടി ഉദ്ഘാടനം ചെയ്‌തു. ഇബ്ൻ ഖൽദൂൻ പോളിക്ലിനിക് മാനേജർ സെയ്‌ഫുദീൻ മാള ശ്രീജിത്ത് കുമരകം അധ്യക്ഷനായി. ബുറൈമി ഇന്ത്യൻ സ്‌കൂൾ പ്രിൻസിപ്പൽ ബിജു വർഗീസ് മുഖ്യാതിഥിയായിരുന്നു.

സുഗതകുമാരി ടീച്ചറുടെ സ്‌മരണാർത്ഥം മലയാളം മിഷൻ വാർഷികമായി നടത്തി വരുന്ന കാവ്യാലാപന മത്സരമാണ് സുഗതാഞ്ജലി. ഇത്തവണത്തെ സുഗതാഞ്ജലിയിൽ ഒ എൻ വിയുടെ കവിതകളാണ് വിദ്യാർത്ഥികൾ ആലപിക്കേണ്ടിയിരുന്നത്. കാവ്യാലാപന മത്സരത്തിൽ സബ് ജൂനിയർ വിഭാഗത്തിൽ ക്രിസ്‌വിൻ പ്രിൻസ്, ഷെസാ സുബൈദ, സഞ്ജന സന്തോഷ് എന്നിവരും ജൂനിയർ വിഭാഗത്തിൽ ആൻസ്‌ലേ ഷാജി,അർച്ചിത് രാജേഷ് നായർ, ഹരേൺ തമ്പി ബിനു എന്നിവർ ഒന്നും രണ്ടും മൂന്നും സ്ഥാനങ്ങൾ നേടി.

മലയാളം മിഷൻ ഒമാൻ ജോയിൻ്റ് സെക്രട്ടറി രാജീവ് മഹാദേവൻ, പ്രവർത്തക സമിതിയംഗം സജീഷ് ശങ്കർ, സാമുഹ്യപ്രവർത്തകരായ രാജേഷ്, മുരളികൃഷ്‌ണൻ, യൂണിമണി മാനേജർ ജോ കുര്യൻ, ഷൈജു, അനുജ പ്രവീൺ എന്നിവർ സംസാരിച്ചു. ഒമാനിലെ വിവിധ മേഖലാമത്സരങ്ങളിൽ ആദ്യ മൂന്നു സ്ഥാനങ്ങൾ നേടിയവരെ പങ്കെടുപ്പിച്ചു കൊണ്ടുള്ള ചാപ്റ്റർ തല ഫൈനൽ മത്സരം ഈ മാസം 26 ന് ഇബ്രയിൽ വച്ച് നടക്കുമെന്ന് മലയാളം മിഷൻ ഒമാൻ ഭാരവാഹികൾ അറിയിച്ചു.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

YouTube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕

Tags:

Malayalam Mission Buraimi organized a regional entrance festival and a memorial service competition

More in Related News