Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
18 May 2025 02:45 IST
Share News :
ദോഹ: ഇന്ത്യൻ ഫാർമസിസ്റ്റ് അസോസിയേഷൻ ഖത്തർ (ഐ പി എ ക്യു ) സംഘടിപ്പിച്ച സ്‌പോർട്സ് ഫിയസ്റ്റയുടെ ഭാഗമായി മൈദർ ഫുട്ബോൾ ക്ലബ്ബിൽ നടന്ന ഐ പി എ ക്യു ഫുട്ബോൾ പ്രിമിയർ ലീഗ് ടൂർണമെന്റിൽ പ്രോബിയോട്ടിക് ബൂസ്റ്റേഴ്സ് മികച്ച പ്രകടനം കാഴ്ചവെച്ച് കിരീടം സ്വന്തമാക്കി. ആവേശഭരിതമായ ഫൈനൽ പോരാട്ടത്തിൽ കടുത്ത മത്സരത്തിനൊടുവിൽ അഡ്രെനർജിക് സ്ട്രിക്കേഴ്സിനെ 4-2 എന്ന സ്‌കോറിലൂടെ പരാജയപ്പെടുത്തി ബൂസ്റ്റേഴ്സ് വിജയം നേടുകയായിരുന്നു.
മത്സരത്തിന്റെ തുടക്കം മുതൽ തന്നെ നല്ല പോരാട്ടമാണ് അരങ്ങേറിയത്. ആദ്യ പകുതിയിൽ തന്നെ ഗോൾ നേടുകയും മത്സരത്തിൽ മുന്‍തൂക്കം നേടുകയും ചെയ്ത അഡ്രെനർജിക് സ്ട്രിക്കേഴ്സിന്റെ പ്രകടനം മത്സരം കൂടുതൽ ആവേശഭരിതമാക്കി. എന്നിരുന്നാലും, ചുരുങ്ങിയ സമയത്തിനുള്ളിൽ സ്മാർട്ട് പ്ലേകളും തന്ത്രപരമായ നീക്കങ്ങളുമാണ് പ്രോബിയോട്ടിക് ബൂസ്റ്റേഴ്സിനെ വിജയത്തിലേക്ക് നയിച്ചത്. സ്ട്രിക്കേഴ്സിന്റെ ശക്തമായ തിരിച്ചുവരവിനുള്ള ശ്രമങ്ങൾ ബൂസ്റ്റേഴ്സിന്റെ പ്രതിരോധഭാഗം ഫലപ്രദമായി നേരിടുകയും നിർണായക അവസരങ്ങളിൽ ഗോൾ നേടുകയും ചെയ്തു.
മത്സരം അവസാനിച്ചതിന് ശേഷം നടന്ന സമാപന ചടങ്ങിൽ ഐ പി എ ക്യു അംഗങ്ങളും കായിക പ്രവർത്തകരും സന്നിഹിതരായിരുന്നു. വിജയികൾക്ക് ചാമ്പ്യൻസ് ട്രോഫി അബ്ദുൽ റഹിമാൻ ഏരിയാൽ നൽകി. റണ്ണേഴ്സ് അപ് ട്രോഫി ഷജീർ സമ്മാനിച്ചു. ടൂർണമെന്റിലെ മികച്ച പ്രകടനം കാഴ്ചവെച്ച കളിക്കാരനായി സത്താറിനെ തെരഞ്ഞെടുത്തു. അദ്ദേഹത്തിന്റെ മികച്ച പ്രതിരോധ പ്രകടനവും ഗ്രൗണ്ടിലെ നേതൃത്വവും തിരഞ്ഞെടുപ്പിന് അടിസ്ഥാനമായിരുന്നു.
മത്സരങ്ങൾ നിഷ്പക്ഷതയും കായികമാനദണ്ഡങ്ങളും പാലിച്ചുകൊണ്ട് നടന്നതായും റിപ്പോർട്ടുണ്ട്. റഫറിമാരായ ഷാൻ, മഷൂദ് എന്നിവരാണ് മത്സരങ്ങൾ നന്നായി നിയന്ത്രിച്ചത്. ടൂർണമെന്റിന്റെ വിജയകരമായ നടത്തിപ്പിനായി അമീർ അലി, ഷാനവാസ്, മുനീർ, ഇക്ബാൽ, മുഹമ്മദ് നവാസ് ,ഹനീഫ് പേരാൽ, ജാഫർ വാക്ര, ശനീബ്, അൽത്താഫ് എന്നിവരുടെ നേതൃത്വത്തിൽ പ്രത്യേകം സംഘങ്ങൾ പ്രവർത്തിച്ചു.
Follow us on :
Tags:
More in Related News
Please select your location.
