വൈക്കത്ത് വൻ ലഹരി മരുന്ന് വേട്ട; വിൽപ്പനക്കായ് ബാംഗ്ലൂരിൽ നിന്നും എത്തിച്ച 34.28 ഗ്രാം എംഡിഎംഎയുമായി യുവാവ് പിടിയിൽ.

27 Aug 2025 19:59 IST

Share News :

Huge drug racket in Vaikkam; Youth caught with 34.28 gm of MDMA brought from Bangalore for sale.

വൈക്കം: വൈക്കത്ത് വൻ ലഹരി മരുന്ന് വേട്ട. 34.28 ഗ്രാം എംഡിഎംഎയുമായി യുവാവ് പിടിയിൽ. വൈക്കപ്രയാർ കൊച്ചുകണിയാംതറ താഴ്ചയിൽ വിഷ്ണു വി ഗോപാൽ (32) ആണ് പിടിയിലായത്. ജില്ലാപോലീസ് മേധാവിയുടെ ലഹരിവിരുദ്ധ സ്ക്വാഡും, വൈക്കം പോലീസും ചേർന്ന് വൈക്കപ്രയാറിലുള്ള യുവാവിൻ്റെ വീട്ടിൽ നിന്നുമാണ് അറസ്റ്റ് ചെയ്തത്.

ഇയാളുടെ വീട്ടിലെ അടുക്കളയിൽ മസാലകൾ സൂക്ഷിക്കുന്ന ടിന്നിൽ ഒളിപ്പിച്ചുവെച്ച നിലയിലാണ് നിരോധിത ലഹരി വസ്തുവായ എംഡി എം എ കണ്ടെടുത്തത്. ഓണത്തിന് വിൽപ്പനക്കായാണ് ബാംഗ്ലൂരിൽ നിന്നും ലഹരി വസ്തുക്കൾ കൊണ്ടുവന്നതെന്ന് ചോദ്യം ചെയ്യലിൽ ഇയാൾ പോലീസിനോട് പറഞ്ഞു. കോട്ടയം ജില്ലാപോലീസ് മേധാവി ഷാഹുൽ ഹമീദ് ഐ പി എസിന് ലഭിച്ച രഹസ്യ വിവരത്തെ തുടർന്ന് ജില്ലാപോലീസ് മേധാവിയുടെ ഡാൻസാഫ് സ്ക്വാഡും വൈക്കം പോലീസും നടത്തിയ പരിശോധനയിലാണ് ബുധനാഴ്ച ഉച്ചയോടെ യുവാവ് പിടിയിലായത്. യുവാവ് ഇന്നലെ രാത്രിയാണ് ബാംഗ്ലൂരിൽ നിന്നും നാട്ടിലെത്തിയത്. ബാംഗ്ലൂരിൽ നിന്നും ലഹരി മരുന്നുമായി എത്തിയ ഇയാളെ

വൈക്കം എക്സൈസ് സംഘത്തിന് ലഭിച്ച രഹസ്യവിവരം തുടർന്ന്

കഴിഞ്ഞവർഷം പിടികൂടിയിരുന്നു. പിടികൂടിയ പ്രതിയെ കോടതിയിൽ ഹാജരാക്കുമെന്ന് പോലീസ് പറഞ്ഞു.