Central Government's Imperialist Orientation Disclosed More:K. Prakash Babu

മേപ്പയൂർ : അമേരിക്കൻ സാമ്രാജ്യത്വത്തിന്റെ വിനീത ദാസന്മാരാണ് തങ്ങൾ എന്ന് കേന്ദ്രസർക്കാർ അനുദിനം തെളിയിച്ചു കൊണ്ടിരിക്കുകയാ

ണെന്ന് സി പി ഐ ദേശീയ എക്സിക്യൂട്ടീവ് അംഗം കെ. പ്രകാശ് ബാബു പറഞ്ഞു. മേപ്പയൂരിൽ

സി പി ഐ മണ്ഡലം സമ്മേളനത്തിന്റെ പ്രതിനിധി സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

ഇന്ത്യ പാക്ക് സംഘർഷത്തിൽ ഇടപെടൽ നടത്തിയെന്ന് ട്രംപ് ലോകത്തോട് വിളിച്ചു പറയുമ്പോഴും ഇന്ത്യൻ പൗരന്മാരെ വിലങ്ങുവെച്ച് നാടുകടത്തുമ്പോഴും മോദി മൗനം പാലിക്കുകയാണ്. കേന്ദ്രസർക്കാറിന്റെ അമേരിക്കൻ വിധേയത്വത്തിന്റെ തെളിവാണിത്. സംഘപരിവാർ രാജ്യത്തിൻ്റെ ഭരണഘടനയെ ദുർബലപ്പെടുത്താനുള്ള നീക്കങ്ങളാണ് നടത്തുന്നത് .ഭരണഘടന മുന്നോട്ടുവെക്കുന്ന അടിസ്ഥാന ആശയങ്ങൾക്ക് സംഘപരിവാർ എന്നും എതിരാണ്. ഇന്ത്യയുടെ ബഹുസ്വരതയെ തകർക്കാനുള്ള ശ്രമത്തിന്റെ ഭാഗമാണ് ചരിത്രത്തെ മാറ്റി എഴുതുന്ന പരിശ്രമമെന്നും അദ്ദേഹം പറഞ്ഞു.

പി.ബാലഗോപാലൻ, എൻ. എം.ബിനിത , എ.ബി.ബിനോയ് എന്നിവര ടങ്ങിയ പ്രസീഡിയവും സി. ബിജു, കൊയിലോത്ത് ഗംഗാധരൻ, ബാബു കൊളക്കണ്ടി, പി.ടി. ശശി എന്നിവരടങ്ങിയ സ്റ്റിയറിങ് കമ്മിറ്റിയും സമ്മേളന നടപടികൾ നിയന്ത്രിച്ചു.

സ്വാഗതസംഘം ചെയർമാൻ കെ. വി. നാരായണൻ സ്വാഗതം പറഞ്ഞ ചടങ്ങിൽ കെ. രാജേന്ദ്രൻ രക്തസാക്ഷി പ്രമേയവും, ബി.ബി.ബിനീഷ് അനുശോചന പ്രമേയവും അവതരിപ്പിച്ചു.

സി പി ഐ ജില്ലാ സെക്രട്ടറി കെ. കെ. ബാലൻ, അസിസ്റ്റൻറ് സെക്രട്ടറി പി. കെ.നാസർ, എക്സിക്യൂട്ടീവ് അംഗങ്ങളായ ആർ .ശശി, അജയ് ആവള, ജില്ലാ കൗൺസിൽ അംഗം പി. കെ.സുരേഷ് എന്നിവർ സമ്മേളനത്തെ അഭിവാദ്യം ചെയ്തു സംസാരിച്ചു. എം കുഞ്ഞിക്കണ്ണൻ നഗറിൽ നടന്ന സമ്മേളനത്തിന് കെ. സി. കുഞ്ഞിരാമൻ പതാക ഉയർത്തി.

സമ്മേളനം 15 അംഗ മണ്ഡലം കമ്മിറ്റിയെ തിരഞ്ഞെടുത്തു. സി. ബിജുവിനെ വീണ്ടും മണ്ഡലം സെക്രട്ടറിയായി തിരഞ്ഞെടുത്തു.

Tags:

General