Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
25 Jan 2025 15:31 IST
Share News :
വൈക്കം: തിരുവിതാംകൂർ മഹാരാജാക്കന്മാരുടെ രഥചക്രങ്ങളുരുണ്ട വൈക്കത്തെ രാജവീഥികൾ ഈ റിപ്പബ്ലിക് ദിനത്തിൽ മറ്റൊരു രാജകീയ എഴുന്നള്ളത്തിന് കൂടി സാക്ഷ്യം വഹിക്കും. രാജരഥങ്ങൾക്ക് ശേഷം നിരത്ത് വാണ അംബാസഡർ കാറുകൾ നിരനിരയായി അന്ന് വൈക്കത്തേക്ക് എത്തും. രാജ്യം റിപ്പബ്ലിക് ആയതിൻ്റെ 76 -ാം വാർഷിക ദിനത്തിൽ ഒത്തൊരുമയുടെ സന്ദേശമുയർത്തി കായലോര ബീച്ചിൽ അവർ സംഗമിക്കും.
അമ്പ്രോക്സ് എന്ന വാട്സാപ് കൂട്ടായ്മയാണ് അംബാസഡർ കാറുകളുടെ ഒത്തുചേരലിന് വേദിയൊരുക്കുന്നത്. കോട്ടയം ജില്ലയിൽ അംബാസഡർ കാറിനെ സ്നേഹിക്കുകയും ഇപ്പോഴും ഉപയോഗിച്ചുകൊണ്ടിരിക്കുകയും ചെയ്യുന്ന നിരവധി പേർ ഈ കൂട്ടായ്മയിൽ അംഗങ്ങളാണ്. 26 ന് ഉച്ചക്ക് 2 ന് മൂർക്കാട്ടിപ്പടി കെ.പി.പി.എൽ റോഡിൽ നിന്ന് അംബാസിഡർ കാറുകളുടെ റോഡ് ഷോ ആരംഭിക്കും. 4 മണിയോടെ വൈക്കം ബീച്ചിൽ എത്തിച്ചേരും. മുൻപും ഈ കൂട്ടായ്മ ഇത്തരം ഒത്തുചേരലുകൾ സംഘടിപ്പിക്കുകയും ഒപ്പം പ്രകൃതിദുരന്തങ്ങളിൽ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകിയും മറ്റ് സന്നദ്ധ സേവനങ്ങളിലേർപ്പെട്ടും മാതൃകയായിട്ടുണ്ട്.
Follow us on :
Tags:
More in Related News
Please select your location.
