A.H. Akbar elected as Chavakkad Municipality Chairman

ചാവക്കാട്:നഗരസഭ ചെയർമാനായി സിപിഎമ്മിലെ എ.എച്ച്.അക്ബറിനെ തെരഞ്ഞെടുത്തു.16-ാം വാർഡ് അംഗം എ.എച്ച്.അക്ബറിനെ ഷീജ പ്രശാന്ത് നിർദ്ദേശിക്കുകയും സഫൂറ ബക്കർ പിന്താങ്ങുകയും ചെയ്തു.യുഡിഎഫിൽ 32ാം വാർഡ് അംഗം സി.എ.ഗോപ പ്രതാപനെ വി.ജെ.ജോയ്സി നിർദ്ദേശിക്കുകയും മുഹമ്മദ് ആസിഫ് പാലയൂർ പിന്താങ്ങി.വരണാധികാരി ഷീബ തെരഞ്ഞെടുപ്പ് നിയന്ത്രിച്ചു.എൽഡിഎഫിന്റെ 21 വോട്ട് എ.എച്ച്.അക്ബറിനും,12 വോട്ട് സി.എ.ഗോപപ്രതാപനും ലഭിച്ചു.ചെയർമാനായി എ.എച്ച്.അക്ബർ സത്യപ്രതിജ്ഞ ചൊല്ലി അധികാരമേറ്റു.വിവിധ രാഷ്ട്രീയ സാമൂഹിക സാംസ്ക്കാരിക പ്രവർത്തകർ അക്ബറിനെ ഹാരമണിയിച്ച് അഭിനന്ദിച്ചു.ചാവക്കാട് നഗരസഭ ടൗൺ 16-ാം വാർഡിൽ നിന്ന് 111 വോട്ടിൻ്റെ ഭൂരിപക്ഷത്തിലാണ് അക്‌ബർ വിജയിച്ചത്.നേരത്തെ 2 തവണ കൗൺസിലറായ അക്ബർ ആദ്യമായാണ് ചെയർമാൻ ആകുന്നത്.2005-2010 കാലയളവിലാണ് ആദ്യം നഗരസഭയിലേക്ക് തിരഞ്ഞെടുത്തത്.അന്ന് പൊതുമരാമത്ത് സ്‌ഥിരസമിതി അധ്യക്ഷനായിരുന്നു.പിന്നീട് 2015-20 ൽ നഗരസഭ കൗൺസിലറായി.സിപിഎം ചാവക്കാട് ഏരിയ കമ്മിറ്റി അംഗമാണ്.ചാവക്കാട് സഹകരണ ബാങ്ക് പ്രസിഡൻ്റ്,കെഎസ്കെടിയു ജില്ലാ എക്സിക്യൂട്ടിവ് അംഗം,സെക്യൂരിറ്റി ആൻഡ് ഹൗസ് കീപ്പിങ് എംപ്ലോയിസ് ഫെഡറേഷൻ സംസ്‌ഥാന കമ്മിറ്റി അംഗം എന്നീ സ്ഥാനങ്ങൾ വഹിച്ചിട്ടുണ്ട്.ഭാര്യ:ഷംല.മക്കൾ:ആകാശ്,ആസാദ്.

Tags:

enlightmedia,malayalamnews,kerala,latestnews