A 10-year-old boy from Vaikom is ready to go swimming in the Vembanad Lake with both hands and feet tied.

വൈക്കം :ഇരു കൈകളും കാലുകളും ബന്ധിച്ച് ഏഴര കിലോമീറ്ററോളം വരുന്ന വേമ്പനാട്ടുകായൽ നീന്തിക്കടന്ന് ചരിത്രനേട്ടത്തിന് ഒരുങ്ങി വൈക്കം സ്വദേശിയായ പത്തുവയസ്സുകാരൻ. ഉദയനാപുരം കൃഷ്‌ണ വിലാസത്തിൽ രാജേഷ്, അഞ്ജു ദമ്പതികളുടെ മകനും വൈക്കം വാർവിൻ സ്‌കൂളിലെ അഞ്ചാം ക്ലാസ് വിദ്യാർഥിയുമായ ആർ.അനന്തകൃഷ്‌ണനാണ്

ചരിത്രനേട്ടത്തിനായുള്ള ഉദ്യമത്തിന്

തയാറെടുക്കുന്നത്. ശനിയാഴ്ച രാവിലെ 8ന് ആലപ്പുഴ ജില്ലയിലെ ചേർത്തല വടക്കുംകര അമ്പലക്കടവ് മുതൽ കോട്ടയം ജില്ലയിലെ വൈക്കം ബീച്ച് വരെയുള്ള ഏഴര കിലേ മീറ്ററോളം ദൂരമാണ് നീന്താൻ ഒരുങ്ങുന്നത്. വൈക്കം അഗ്നി രക്ഷാസേനയിൽ നിന്നും വിരമിച്ച ടി.ഷാജികുമാറിന്റെ ശിക്ഷണത്തിൽ ഉദയനാപുരത്തെ കുളത്തിൽ നീന്തൽ പരിശീലനത്തിന് ശേഷം കോതമംഗലം ഡോൾഫിൻ അക്വാട്ടിക് ക്ലബ്ബിൽ ചേർന്ന് 22 ഓളം കുട്ടികളെ റെക്കോർഡിൽ ഇടം പിടിപ്പിച്ച പരിശീലകൻ ബിജു തങ്കപ്പൻ്റെ പരിശീലനത്തിൽ കുത്തൊഴുക്കുള്ള മൂവാറ്റുപുഴയാറിൽ 5 മാസത്തെ കഠിന പരിശീലനം പൂർത്തിയാക്കിയാണ് വേൾഡ് വൈഡ് ബുക്ക് ഓഫ് റെക്കോർഡ് സ്വന്തമാക്കുക എന്ന ലക്ഷ്യം മുൻനിർത്തി ഉദ്യമത്തിന് ഒരുങ്ങുന്നത്. കായലിൻ്റെ ഏറ്റവും വീതിയേറിയ ഭാഗം മികച്ച സമയത്തിൽ നീന്തിക്കയറുകയാണ് ലക്ഷ്യം.

Tags:

ഇരുകൈകാലുകളും ബന്ധിച്ച് വേമ്പനാട്ടുകായൽ നീന്തിക്കടക്കാനൊരുങ്ങി വൈക്കം സ്വദേശിയായ പത്തുവയസ്സുകാരൻ.

More in Related News