Under the Kappa Act, Rowdy was deported from Thrissur district for a period of 6 months

ചാവക്കാട്:തൃശൂർ റേഞ്ച് ഡെപ്യൂട്ടി പോലീസ് ഇൻസ്‌പെക്ടർ ജനറലിന്റെ കാപ്പ 2007 വകുപ്പ് പ്രകാരം സഞ്ചലന നിയന്ത്രണ ഉത്തരവിന്റെ അടിസ്ഥാനത്തിൽ തൃശ്ശൂർ ജില്ലാ ചാവക്കാട് പോലീസ് സ്റ്റേഷൻ പരിധിയിലെ ചാവക്കാട് ബ്ലാങ്ങാട് ബീച്ച് തെരുവത്ത് വീട്ടിൽ മൊയ്ദു മകൻ മുഹമ്മദ് അലി ഷിഹാബ് എന്ന ആട് ഷിഹാബ്(44)നെയാണ് തൃശൂർ സിറ്റി ജില്ലാ പോലീസ് കമ്മീഷണർ നകുൽ രാജേന്ദ്ര ദേശ് മുഖിന്റെ നിർദേശപ്രകാരം ഗുരുവായൂർ എസിപി പ്രേമാനന്ദകൃഷ്ണന്റെ നേതൃത്വത്തിൽ ചാവക്കാട് എസ്എച്ച്ഒ വി.വി.വിമൽ തൃശൂർ ജില്ലയിൽ നിന്നും 6 മാസ കാലയളവിൽ നാടുകടത്തിയത്.തൃശൂര്‍ ജില്ലയിലെ ചാവക്കാട്,ഗുരുവായൂര്‍ ടെമ്പിൾ,കുന്നംകുളം,വാടാനപ്പിള്ളി എന്നീ പോലീസ് സ്റ്റേഷനുകളിലും ഷിഹാബ് എന്നും ആട് ഷിഹാബ് എന്നും വിളി പേരുള്ള ഇയാൾ വധശ്രമം,കുറ്റകരമായ നരഹത്യാശ്രമം,മാരകായുധങ്ങൾ ഉപയോഗിച്ച് ദേഹോപദ്രവം ഏൽപ്പിക്കുക,മുതലുകൾ നശിപ്പിക്കുക,കുറ്റകരമായി ഭീഷണിപ്പെടുത്തുക,വിശ്വാസവഞ്ചന,ചതി തുടങ്ങിയ സാമൂഹ്യവിരുദ്ധ പ്രവര്‍ത്തികളിൽ സ്ഥിരമായി ഏര്‍പ്പെട്ട് പൊതുസമാധാനത്തിനും,പൊതുസുരക്ഷക്കും ഭീഷണിയുണ്ടാക്കുന്ന ആളാണെന്നും 'കുപ്രസിദ്ധ റൗഡി,ഗുണ്ട എന്ന ഗണത്തിൽ ഉൾപ്പെടുത്തിയാണ് പ്രതിക്കെതിരെ നടപടിയെടുത്തിട്ടുള്ളത്.ക്രിമിനൽ കേസുകളിൽ പ്രതിയായവർക്കെതിരെ തൃശ്ശൂർ സിറ്റി കമ്മീഷണറുടെ നേതൃത്വത്തിൽ ശക്തമായ നടപടികളാണ് സ്വീകരിച്ച്‌ വരുന്നത്.തുടർന്നും ക്രിമിനൽ കേസുകളുൾപ്പെടെയുള്ള പൊതുജനങ്ങളുടെ സമാധാന ജീവിതത്തിന് തടസ്സം നിൽക്കുന്ന രീതിയിലുള്ള കേസ്സുകളിൽ പ്രതിയാകുന്നവർക്കെതിരെ കാപ്പ ഉൾപ്പെടെയുള്ള ശക്തമായ നിയമനടപടികൾ സ്വീകരിക്കുമെന്ന് തൃശ്ശൂർ സിറ്റി പോലീസ് കമ്മീഷണർ അറിയിച്ചു.