Tue Dec 12, 2023 10:56 PM 1ST
Location
Sign In
21 Jan 2025 23:54 IST
Share News :
തലയോലപ്പറമ്പ് : കഥകളുടെ സുൽത്താന്റെ പേരിൽ ബഷീർ സ്മാരക ട്രസ്റ്റ് ഏർപ്പെടുത്തിയ
പതിനേഴാമത് ബഷീർ അവാർഡ് പ്രശസ്ത കവി പി. എൻ ഗോപീകൃഷ്ണന് സമർപ്പിച്ചു. അദ്ദേഹത്തിന്റെ "കവിത മാംസഭോജിയാണ് " എന്ന കവിത സമാഹാരത്തിനാണ് അവാർഡ് ലഭിച്ചത്.അര ലക്ഷം രൂപയും പ്രശസ്തിപത്രവും സി എൻ കരുണാകരൻ രൂപകൽപ്പന ചെയ്ത ഫലകവും അടങ്ങുന്നതാണ് അവാർഡ്
ബഷീർ സ്മാരക മന്ദിരത്തിൽ നടന്ന ചടങ്ങിൽ പ്രശസ്ത നോവലിസ്റ്റും ചെറുകഥാകൃത്തുമായ ജി. ആർ ഇന്ദുഗോപൻ അവാർഡ് സമർപ്പിച്ചു. ബഷീർ സ്മാരക ട്രസ്റ്റ് ചെയർമാൻ അഡ്വ. പി കെ ഹരികുമാർ അധ്യക്ഷത വഹിച്ചു. എഴുത്തുകാരൻ ഡോ. എസ് കെ വസന്തൻ പ്രഭാഷണം നടത്തി. ട്രസ്റ്റ് സെക്രട്ടറി ഡോ. സി എം കുസുമൻ, വൈസ് പ്രസിഡന്റ് ഡോ.വി. കെ ജോസ്, ജോയിന്റ് സെക്രട്ടറി ടി. എൻ രമേശൻ തുടങ്ങിയവർ പ്രസംഗിച്ചു. പരിപാടികളുടെ ഭാഗമായി കടുത്തുരുത്തി സെന്റ് മൈക്കിൾസ് സ്കൂൾ സംഗീത അധ്യാപിക നിമിഷ മുരളി അവതരിപ്പിച്ച സംഗീതാർച്ചന ശ്രദ്ധേയമായി.
Follow us on :
Tags:
More in Related News
Please select your location.