Ten-year-old Ananthakrishnan became the first Vaikom native to swim the Vembanad lake with his arms and legs tied.

വൈക്കം: കൈകാലുകൾ ബന്ധിച്ച് വേമ്പനാട്ടുകായൽ നീന്തി കീഴടക്കുന്ന ആദ്യത്തെ വൈക്കം കാരനായി പത്തുവയസുകാരൻ അനന്തകൃഷ്ണൻ. വൈക്കം ഉദായനാപുരം ശ്രീകൃഷ്ണ വിലാസത്തിൽ രാജേഷ്, അഞ്ജു ദമ്പതികളുടെ ഇളയമകനും വൈക്കം വാർവിൻ സ്കൂൾ അഞ്ചാം ക്ലാസ് വിദ്യാർഥിയുമായ അനന്തകൃഷ്ണൻ വേമ്പനാട്ടുകായലിൻ്റെ ഏഴു കിലോമീറ്റർ ദൂരം ഒരു മണിക്കൂർ 31മിനിട്ടുകൊണ്ട് നീന്തിക്കടന്ന്

വേൾഡ് വൈഡ് ബുക്ക് ഓഫ് റെക്കാർഡ്സിൽ ഇടം നേടിയത്. ആലപ്പുഴ ജില്ലയിലെ ചേർത്തല വടക്കുംകര അമ്പലക്കടവിൽ നിന്ന് രാവിലെ 8.17 ന് ആരംഭിച്ച നീന്തൽ കോട്ടയം ജില്ലയിലെ വൈക്കം കായലോര ബീച്ചിൽ 9.48 ന് അവസാനിച്ചു. വൈക്കം കായലോര ബീച്ചിലേയ്ക്ക് നീന്തിക്കയറിയ അനന്തകൃഷ്ണനെ ചലച്ചിത്ര പിന്നണി ഗായിക വൈക്കം വിജയലക്ഷ്മി, ചെയർപേഴ്സൺ പ്രീതാ രാജേഷ്, വൈസ് ചെയർമാൻ പി.ടി. സുഭാഷ്, വൈക്കം ഡി വൈഎസ്പിസി ബിച്ചൻ ജോസഫ്, വാർഡ് കൗൺസിലർ ബിന്ദുഷാജി തുടങ്ങിയവർ അഭിനന്ദിച്ചു. അനന്തകൃഷ്ണൻ്റെ കൈകാലുകളിലെ ബന്ധനം നഗരസഭ ചെയർപേഴ്സണും ഡിവൈഎസ്പിയും അഴിച്ചു നീക്കി. നിരവധി സംഘടനകളും സുമനസുകളും അനന്തകൃഷ്ണനെ ഉപഹാരം നൽകി അനുമോദിച്ചു. റിട്ടേഡ് ഫയർഫോഴ്സ് ഓഫീസർ ടി. ഷാജികുമാറാണ് അനന്തകൃഷ്നെ ആദ്യം നീന്തൽ അഭ്യസിപ്പിച്ചത്. തുടർന്ന് കോതമംഗലം ഡോൾഫിൻ അക്വാട്ടിക് ക്ലബ് നീന്തൽ പരിശീലകൻ ബിജു തങ്കപ്പൻ്റെ ശിക്ഷണത്തിൽ നീന്തൽ പരിശീലിച്ചു. കുത്തൊഴുക്കുള്ള മൂവാറ്റുപുഴയാറിൽ അനന്തകൃഷ്ണൻ അഞ്ചുമാസത്തെ കഠിന പരിശീലനമാണ് നടത്തിയത്. വൈക്കം കായലിൽ നീന്തി 22 കുട്ടികൾ റെക്കാർഡുകൾ നേടിയിട്ടുണ്ടെങ്കിലും വൈക്കം സ്വദേശിയായ 10 വയസുകാരൻ വേമ്പനാട്ട്കായൽ ഏഴ്കിലോമീറ്റർ ദൂരം കൈകാലുകൾ ബന്ധിച്ച് നീന്തികടന്ന് ഇതാദ്യമാണ്.സ്കൂൾ വിദ്യാർഥികളും സഹപാഠികളും പ്രദേശവാസികളും അടക്കം നൂറ് കന്ന കണക്കിന് പേരാണ് സാഹസിക ഉദ്യമം കാണാൻ എത്തിയത്.

Tags:

കൈകാലുകൾ ബന്ധിച്ച് വേമ്പനാട്ടുകായൽ നീന്തി കീഴടക്കുന്ന ആദ്യത്തെ വൈക്കം കാരനായി പത്തുവയസുകാരൻ അനന്തകൃഷ്ണൻ.

More in Related News